İroni Xarici Koon Vəziri bə Qrossi oxonə bəyonoton doə cəvob

İron İslom Respublika Xarici Koon Vəzir cımə şəvi bə Beynəlxalğə Atom Enerji Aqentəti sər direktor Rafael Qrossi pəynə de İroni nuvə məsələ anqıl doə bəyonoti reaksiyaş doə.

Bə Beynəlxalğə Atom Enerji Aqentəti sər direktor Rafael Qrossi bə jurnaliston doə oxonə bəyonoti cəvobən İron İslom Respublika Xarici Koon Vəziri Seyd Əbbos Ərağçi votəşe:"Zıneydənim,əv,ımış norohətçətiku və ya həm təhdidikuş votə." Qrossi votəşbe:"Holı-hozədə Tehron çəmə mufəttişon fəğət məhdudə şikilədə ğəbul kardedə,çunki əv,deştə əmniyyəti anqıl  norohətçətiyon səbəbiku bo Aqentəti təftişon məhdudiyyətonış noə.Beynəlxalğə Atom Enerji Aqentəti sər direktori həmçinin əlovəş kardə ki,diplomatiya məğlub bıbu,sənibəton zu tətbiğiku tarsış heste."Qrossi ın sıxanon bə İsveçrə qəzeti de İroni nuvə proqrami anqıl vəzyəti əloğədor doə musahibədə votəşe.

İroni Xarici Koon Vəziri cəvob doəşe:"Əmmo ın cur təhdidon kardə kəson bəpe bızınon ki,dəboxtə təcrubə təkror kardey boəvon ğərəz coqlə məğlubiyyəti co qıləy nəticəş nibəbe".