Ğalibaf:Tramp israil rejimi bə ironi zid bardə hucumi məsule

İroni İslomiyə şura məclisi rəisi votışe: Amerkə bəpe sionist rejimi bə ironi zid hucumi siyasi və huğuğiyə nəticon bə qi bıqəto.

İroni islomiyə şura məclisi rəis təkidış karde ki Amerkə bəpe sionist rejimi bə ironi zid hərbiyə təcavuzi huğuği və siyasiyə nəticon ğəbul bıkə.

Muhəmməd Bağır Ğalibaf ımruj məclisi nav nıtğədə bə Amerkə prezdenti etirofi, israil rejimi bə İron təcavuzədə ım məmləkəti roli həxədə işorəş karde və votışe: Donald Tramp sionist rejimi bə ironi zid sərostə təcavuzi məsule ki oşkoə holətədə beynəlxalğə huğuğ iyən ironi milliyə hakimiyyəti darışte bə hisob omedə.