Rəştədə Kaspikəno kişvəron qubernatoron iminə dido dəvordıney bəbe

Xarici Koon Vəzirəti huğuğ və beynəlxalğə məsələon sahədə muavin çe Kaspikəno kişvəron sahili əyoləton qubernatoron iminə vindemon 17 və 18 noyabr torıxonədə Rəştədə bərpo beyış elon kardə.

Xarici Koon Vəzirəti huğuğ və beynəlxalğə məsələon sahədə muavin və çe İron İslom Respublikə Kaspidıyo məsələon sahədə xususi numayəndə votəşe:Çoqlə kişfər-Rusiya,Ğazaxıston,Azərbaycan və Tırkmənistoniku 10 qılə  Kaspikəno əyoləti qubernatoron və çe İroni şimol və cənub əyoləton qubernatoron,çe İron İslom Respublikə bın çoqlə Kaspikəno kişfəronədə səfiron və sərkonsulon və de çın kişfəron Tehronədə bıə səfiron bəico çe Kaspikəno kişvəron qubernatoron vindemonədə iştirok bəkardeyn.

Əy votəşe:Kaspikəno kişvəron sahili əyoləton qubernatoron seqlə ixtisosinə miziqırdo -"İxtisodiyyot,İnvestisiya və Reqiyonal İnkişof","Şimol və Cənub Dəhlizi Tranzit,Loqistika və Ozavziye" və "Ətrof muhit,Moyəvonəti və Kaspi dıyo ekosistemi bərpo" mevzuonədə muzakirəon və fiki mubadiləon bəbardeyn.

Xarici koon vəziri muavini bəyonış kardə ki,çın sammiti bərpo kardeyədə məğsəd Kaspikəno kişvəron sahili əyoləton bo ticorət,ixtisodi və tranzit həmkoəti və təcrubə mubadiləro dəvominə platforma təmin kardedə və bəyonış kardə:"Bın sammitədə Kaspikəno kişvəron sahili kişfrəonku bıə ixtisodi fəolon həm effektivə iştirok bəkardeyn".