Kaspi dıyo bo İroni qıləy erjinə sərvəte

İroni Xarici koon vəziri muavin Kaspikəno sahili kişfəron qubernatoron beynəlxalğə konfransədə votəşe:Kaspi dıyo bo İroni qıləy erjinə sərvəte və bo enerji təchizotiro mərkəz bey bəzıne.

Kaspi dıyo sahili kişfəron ostandaron umumi konfransədə Kazım Ğəribobodi ın dıyo bo İroni qıləy erjinə sərvət hisob kardə holədə votəşe:Kaspi dıyo bo enerji təchizotiro qıləy vocibə mərkəze və de porton potensiyali zumand kardey bın məntəğədə bıə kişfəron miyono həmkoəti ziyod kardey və mədəni iyən ixtisodi həmkoəti inkişof doey bəzıne.

Əy əlovəş kardə:Mıştərəkə ozodə zonaon icod kardey ideya milli və reqiyonal ixtisodiyyoton miyono qıləy əloqə bey bəzıne və Kaspikəno kişfəron əsosə sutunon əmniyyət,inkişof və ətrof muhite.Xarici koon vəziri muavini əmniyyəti bo ixtisodi inkişofiro qıləy şərt beyış və bo əyoləton moyəvonəti və ətrof muhiti mıxtəlifə sahəonədə de fiki mubadilə bardey və mıştərəkə loyihəon mıəyyən kardə holədə potensiyalə həmkoəti bə faktiki həmkoəti təbdil kardeyış bəyon karde və əlovəş kardə:"Imruj, bəsə navnə zəmonisə ziyodə,qubernatoron vey dıjdə rol ifo kardey bəzıne və çın iclosi ğəroron Kaspi dıyo bə de sulhi pur bıə və qıləy dəvəşə vəoməş bıə məntəğə təbdil kardey bəzıne.