İron və Ommani məntəğədə həmkoətion zumand kardeyu cəhdon dəvom kardən

Ommanı xarici koon vəzir Bədr Əlbusəidi de ironi xarici koon vəziri seyd Əbbas Ərağçi vindımoni bəpeştə de qıləy mesaji nəşr karde bə 2 qılə məmləkəti cəhdon məntəğəiyə həmkoətion zumand kardeyu təkidış kardə.

Ommanı xarici koon vəzir zinə ım mətləbi nəşr kardeədə votəşe: de ironi xarici koon vəziri Ərağçi vindımonədə bə tarixi və mədəni əlağon zumand karde iyən həmmə baxşonədə 2 qılə hamsuyə məmləkəton miyonədə bə həmkoətion zumand karde təkidım karde.eyne holədə məntəğə və beynəlxalğə sahonədə oxonə əvəzon mincumlə ironi sulhin atom bərnamon həxədə fəoliyyətonımon təhlil karde.