Ərağçi: ECO zumand kardeyu uzv bıə məmləkəton ciddiyə irodəşon heste

İroni xarici koon vəzir ECO ixtisodiyə həmkoəti təşkiloti vəziron şura 29 nə iclosədə votışe: ECO zumand kardeyu siyasiyə irodə uzv bıə məmləkəton miyonədə həmməysə barzə səviyədə heste.

Seyd Əbbas Ərağçi cumə ruji  ECO vəziron şura 29 nə iclosədə ki ğazağıstonədə  onloynə holətədə bərpo be uzv bə məmləkəton yolon bə ım təşkilati zumandə meyliku işarəş karde və təkidış karde ECO məntəğə zərfiyəton bə nəticə rəseədə iyən uzv bə məmləkəton mucud bə zu iyən zərfiyətonku bəhrə bardeədə dınyo cənubədə zumandə nuə məntəğonku be bəzne.