Tehron-Ankara xariciyə mudaxiləon vədə mandeyu həmrəyəti

Tırkiyə xarici koon vəzir Hakan Fidan tehronədə de iron islom Respublika prezdsenti Məsud Pezeşkiyan,islomiyə şura məclisi rəis Muhəmməd Bağır Ğalibaf və ironi xarici koon vəzir seyd Əbbas Ərağçi vindımon və muzakirəş karde.

Məsud Pezeşkiyan noyabri 30 minnə ruji de Hakan Fidan təşkil doə vindımonədə bə islom dınyo ısətnə muhim və həsosə şərayeti təkid kardeədə votışe: qıləy zəmonədə ki mıslmonə milləton  mıştərəkə deşmenon təziğon ve karde  dəvomədə hestin intizor heste ki islomiyə məmləkəton şərayeti  iyandıro rohət bıkən və məsələon problemin kardeku bə kəno bımandon