İmom Xameneyi: islom komil bə xanımon həxi ehtırom karde təkid kardedə

İslomiyə inğilobi yolə rəhbəri,çandə həzo xanımon və kinon vindımonədə votışe: xanım kə koəkə ni bəlkə mudire.

Bə yolə rəhbəri dəftərxonə məlomat ərosnə mərkəzi nəğli əsosi pars todey xəbəş doə İslomiyə inğilobi yolə rəhbəri zinə 4 şanbə ironi mıxtəlif nuğtəonku çandə həzo xanımon iyən kinon vindımonədə , Xıdo rəsul(s) qiromiyə kinə Həzrət Fatimə Zəhra(s) jimoni həmmə baxşonədə mukəmmələ olqoş zınə və islomədə jenon erj iyən vırə ruşin kardeədə kə iyən ictimaiyyətədə bə xanımon həx iyən məsuliyyəton təkidış karde.

İmom Xameneyi bə Həzrət Fatimə Zəhra(s) fəziləton mincumlə ibodət iyən pərhizkarəti,milləti xoto ıştə həxiku dəvarde,mısibət və saxtə şərayetədə tov varde, məzlomon həxiku nıtars mudafiə karde, həğiğəti ruşin karde,aqahəti iyən siyasiyə əməl, kə mudiriyyət karde, həyat həmro vədə ıştə vəzifon barzə səviyədə əncom doe, hırdənon perosne,islomi əvvələdə bıə tarixi muhimmə hadisonədə huzur iyən coqlə sahonədə işarəş karde və votışe: ironi xanımon Əlhəmdulillah jıqo həşiku ki bə peyğəmbər(s) vote əsosi tarixi həmmə devranədə aləmi həmmə xanımon yole,olqo və dərs qətedən və çəy hədəfon cəhətədə hərəkət kardən.

Həzrət Ayətullah Xameneyi işorəş karde ki islomi nəzəku ğərbi və sərmayəinə xətoə mədəniyyət  komil rədde və əlovəş karde islomədə jenon şəni hifz kardeyu iyən cinsi ve zumandə iyən xətoə tələbon vəy qəteyu məhdudiyəton və hıkmoni jen və merdi əlağədə,  jen və merdi olət tan kardeədə, jenon hicab iyən bə vəyə karde səmt hidoyət vocodış heste ki komilkən bə jenon təbiəti əsosi iyən ictimaiyyəti həğiğiyə ehtiyocon bərobəriye.

 Qıləy holədə ki cinsi be intıvoə meylon kontrol karde ğərbı mədəniyyətədə mıtləğ dığğət mərkəzədə ni.

İnğilobi yolə rəhbəri islomədə jen və merdi 2 qılə balansə məxloğ de veyə iştirokinə nuktəon və bə cism və təbiəti əsosi bəzi fərğonədə zındəy və əlovə kardedə ım 2 qılə  mukəmmələ məxloğon insoniyə ictimaiyyəti idarə karde, insoniyə nəsli dəvom,mədəniyyəti inkişof, ictimaiyyəti ehtiyocon təmin karde və jimoni idarə kardeədə rol ifo əkə hestin.

Yolə rəhbəri ım həyatiyə rolon ifo kardeədəailə təşkil doe həmməysə muhimmə ko hisob vardedə və əlovə kardedə

Ğərbı xətoə mədəniyyətədə ki ailə erj yoddə beşə islomədə jen və merd və hırdənonru, bənə ailə təşkil doə uzvon, 2 tərəfə iyən məlum bıə həxon nəzədə qətə bə.

İnğilobi yolə rəhbəri,ictimaiyyət və ailə rəftorədə ədolətış xanımon 1 minnə həxış zınə və ım həxi təmin kardeyu bə devlət və ictimaiyyəti həmmə baxşon vəzifə təkid kardeədə votışe: əmniyyət , ehtırom və kəroməti hifz karde həm xanımon əsosə həxikuy və ğərbı sərmayəinə nizomiku bə kəno ki xanımon kəroməti darıştedən islom komilə holətədə bə xanımon ehtıromi təkid kardedə.

Yolə rəhbəri kədə xanımon həmməysə muhimmə həx iyən ehtiyocış həyat həmro məhəbbətış zınə və əlovəş karde kədə xanımi coqlə muhim və yolə həx, bə çəy zid har qılə xışmqinə hərəkəti bə kəno noeye.

Və ğərbədə dəb bıə xətoə rəftoronku bə kəno mandeye mincumlə de merdon ya həyat həmroon dasi xanımon kışte ya kue.

İnğolobi yolə rəhbəri təkidış karde xanım kə mudir iyən rəise və əlovəş karde islomədə xanım, istiğlal, zumandəti, şəxsiyyət iyən inkişof karde imkonış heste , əmmo  sərmayəinə nizomi diyəku jen merdiku itaət karde iyən jenı şəxsiyyət merdi şəxsiyyətiku tabe bedə və jeni qıləy maddiyə vəsilə iyən həvəs ya maddiyə ləzzətonru zındən və xəlofkarə bandoni ki bı nezonədə amerkədə bə veyə ğalməğal bois bə jıqo diyəon nəticədəy.

Yolə rəhbəri bə ğərbı ciddiyə bovə ıştə xətoə mədəniyyəti bə dınyo ixracat kardeyu işorəş karde və dəvomədə əlovəş karde ki  əvon idda kardedən xanımonru təin bə məhdodiyyəton mincumlə hicab bə çəvon inkişofi mane  bəbe, əmmo İslomiyə Respublika ım səhvə məntiği botil zındəy və nışonış doə ki mıslmonə xanım bə islomiyə oləti bovəş heste və həmmə baxşonədə cokəsonsə ve hərəkət kardən iyən rol ifo kardedən.

 İnğilobi yolə rəhbəri , elmi, varzışi, fikri, təhğiğati, siyasi, ictimaiyyət , səloməti iyən səhiyyə inkişofon, bə jimoni ommid iyən cihadinə himoyəon və fəxrinə şəhidon həyat həmroon şərayet icod  əkə həmkoətionış , ironi tarixədə  xanımon təcrubə nıbə nəticonkuş zınə və votışe: İron ıştə tarixədə heç vaxti hətta 100 də 1 faiz əxtə alim, mıtəfəkkirə xanımonış bə ni və İslomiyə Respublika bə ki həmmə muhimmə baxşonədə bə xanımon inkişof və perəse bois bə.