Ərağçi: İron və Rusiyə rabitə çimisə nez bəbe

İron İslom Respublika xarici koon vəzir de Rusiyə xarici koon vəziri vindımonədə votışe: İron və Rusiyə rabitə ha ruj nez iyən zumand bedə.

Bə pars todey xəbəron əsosi seyd Əbbas Ərağçi zinə de Sırqey Lavrofi təşkil doə vindımonədə beynəlxalğə məsələon əksəriyyətədə Tehron-Maskva siyasəton və nəzəron i be iyən həmmişə iyandıku himoyə kardeş rozi əkəş zınə.

Ərağçi dəvardə 1 sor nimi mıddətədə 2 qılə məmləkəti prezdenton 5 qılə vindımon iyən xarici koon vəziron mıtəmadiyə vindımononku işorə kardeədə 2 tərəfə rabitəş çan cəhətinış zınə və əlovəş karde ım rabitə siyasi, ixtisodi, mədəni, mıdofiə və əmniyyəti cəhətonkuye.