İnğilabi yolə rəhbər:vıjnımonədə əsosə səbarzbə tərəf ironi nizom və milləte.

İslami inğilabi yolə rəhbəri ironədə cumə ruji vıjnımonış qıləy milliyə şoə ruj iyən milləti yolə ğəhrəmanəti və bə islami əsos milləti demokıratiya tojə iyən cəzbinə fik dınyo çəşi vədə zınəşe.

İslami inğilabi yolə rəhbəri həzrət ayətullah Əl-uzma Xamenei zinə çandə həzo nəfər ironi milləti vindımonədə qıləy muhimmə bəyonotdə rəy sındoğon kənoədə bə milləti əzəmətinə huzuri zərorəti işarəş karde və votışe: cumə ruji ha şəxs veyə sədo bə dast biyə vıjnımonədə  ironi millət iyən islamiyə nizom səbarz bə tərəfe.

islami inğilabi yolə rəhbəri vıjnımonış bə islamiyyəti əsosi milləti demokıratiya tojə iyən cəzbinə fikon bə dınyo siyasətçion nışon doeku zınəşe və əlavəş karde bə dini əsosi milliyə demokratiya islamiyə respublika nizom və mərhum imom Xomeyni tərəfiku bə bəşəriyyət təğdim be və ironi millət cumə ruji ijən ım tojə fiki dınyoədə bıə çəşon vədə ğəror bədon.

yolə rəhbəri votışe: ironədə cumə ruji vıjnımon Amerkə və Avropa rəsmi şəxson iyən təşkilaton həmçinin məntəğədə Amerkə roədə hərəkət əkə devləton və sionist rejimi rəsmi şəxson diğğət mərkəzədə bəbe ta bıindon ironi millət çokonə və de kom qılə ruhiyyə və  de ko əzəməti vıjnımoni meydonədə iştirak bəkan.

 islamiyə inğilabi yolə rəhbəri həmçinin Asiya ğərb iyən Afrika şimal məntəğədə bə ciddiyə muvcod bıə no oromətion işarəş karde və votışe: jıqo noəmnə şərayetdə İron İslam Respublika de ilahiyə  inayəti kamilə oroməti iyən əmniyyətdə vıjnımoni bərpo karde domoədəy.

Həzrət Ayətullah Əl-uzma  Xamenei məntəğədə Amerkə nufuzi jiyədə bə devləton millətiyu jıqo ozod və rəğabətiyə vıjnımoni bərpo beş roya zınə və votışe: vıjnımoni meydonədə ironi milləti huzuri mesaj bə islamiyə respublika nizom milləti bovə iyən meyliku hikayət kardə.

yolə rəhbəri ironıjə toyfan miyonədə ixtilafon icodkardeyu bə deşmenon ociz mande işarəş karde vvə ironi mıxtəlif toyfan muğavimətiku deşmenon vəsvəsəon vədə mandeyu təşəkkurış karde .

Həzrət Ayətullah Əl-uzma Xamenei peso votışe: əmniyyət ım məmləkətiyu xəyli muhimme millət bə əmniyyət əhəmmiyyət dodə az həm bənə millət bə məmləkəti əmniyyət əhəmmiyyət dodəm.

vıjnımonədə əmniyyət bəpe kamilə sorətdə hifz bıbo və hakəs ki çı royku bə kəno bışo de ğətiyyəti bızno silliədə dim bə dim bəbe.