Ərağçi bə amerkəvıjon:Bə şərəfinə diplomatiya dim bıqətənən
AİŞ nımoyəndə Əmniyyət Şura iclosədə de Tehroni mızokirəon anqıl votə sıxanon cəvobən İroni xarici koon vəziri votəşe:Im,diktəy,mızokirə ni;ısət çe bımando mənoynə mızokiəron!
Çoşanbə şəvi İMT Əmniyyət Şura iclosədə AİŞ numoyəndə Morqan Ortaqus bə İroni ələyh sanksiyaon peqətey anqıl mızokirəon sıvi vəzyəti səbəbon əloğədor beəsosə iddiyon təkror kardə holədə votəşe:"İbıə Ştaton de İroni rəsmi mızokirəon bardeyro hozzıye;əmmo fəğət Tehron bo bəisə və mənodorə diyaloqi hozzı bıə surətədə."
İMT-ədə bə İroni numoyəndə murociət kardə AİŞ numoyəndə votəşe:"Diplomatiya ə dasti qətey əvəzi,şımə ıştə dasti həm bə otəşi dənoey dəvom doydon.Cənab,otəşiku bə diyəro bımandənən və prezdent Trampi diplomatiya dasti ğəbul bıkənən.ım dast bəşmə səmt dıroz kardey bıə."
Bə Pars Tudey doə məlumoti əsos,İron İslom Respublika xarici koon vəzir Seyd Əbbos Ərağçi bə AİŞ-on Ğərbi Asiya məntəğə sahədə xususi nımoyəndə muovin Morqan Ortaqusi de İroni mızokirəon əloğədor sıxanon reaksiyaş nışon doə.
Ərağçi çoşanbə ruji ıştə X sosyal şəbəkədə nıvıştəşe:AİŞ-on diplomatiya nuyə tarif;“Əmə bo mənodorə mızokirəon hozzımon,əmmo ıştə beynəlxalğə səviyyədə zınə bıə həxon çe viro bekənən”!
İroni xarici koon vəziri təkidış kardə ki,“ım,mızokirə ni,bəlkəm diktə kardeye;ısət çe bımando mənodorə mızokirəon!” Əy,dəvomış kardə:Dınyo şoyd be ki,AİŞ bəçəmə xalği otəş ğandey və bə diplomatiya məhf kardey ğərori omeyədə,çəmə mızokirə bardey vindedəbe.Və əmə həm ıştə hejo kardə komon karde:bəmə hucum kardə kəsonımon hırd karde və çəvon kardə hərəkətonku əvon peşmon kardemone.
Ərağçi təkidış kardə ki,“bə diplomatiya dast ğandey” bombardmançiyə təyyorə vığandey bədiqə çəvon beovandəti de iftixori təsvir kardey mənoədə ni! Ərağçi bə amerkəvıjon məsləhət doəşe:Bo dınyo bə dast dənoey əvəzi,bə əsl və şərəfinə diplomatiya ovardkənən.
