Pezeşkiyani de İsa(ə) Milodi sorəqardışi munosibəti təbrikə mesaj

Pezeşkiyani de İsa(ə) Milodi sorəqardışi munosibəti təbrikədə:Sulh və əxloği pevolo kardey bo insoni hərəbaxtətiro çe bəşəriyyəti ğədimə ideyalonin

İroni prezdenti qıləy mesajədə dınyodə bıə xristiyanon de İsa(ə) milodi sorəqardışi munosibəti təbrik kardəşe.

Cımə şəvi İron İslom Respublikə Prezdent Məsud Pezeşkiyan de ın munosibəti və Nuyə Milodi sori ğeyd kardə kişfəron lideron və xalğon de İsa(ə) mıborəkə milodi sorəqardışi munosibəti təbrik kardə qıləy mesajədə nıvıştəşe:Bəşəriyyəti ğədimə ideyal həmmə insoni cəmyətonədə sulh icod kardey və əxloği pevolo kardeye ki,ım həm bə bəşəri xoşbəxtəti iyən rifohi bardedə.Xıdovəndi qırd mənəvi və vəhyi səyfəon İsa Məsihədə(ə) cilvəş pəydo kardə və əmə çəyku numunə peqətey bəzınemon.Umu kardedəm ki,omə sori bə mıştərəkə səyon,bəico dincə jimoni prinsipon və bə ədoləti əsosən hərəkəton tətbiğ kardə holədə mevcud bəyənde qıniyə dınyodə sulh və əmno-əmonəti icod kardey bəzınemon.

İroni Xarici Koon  Vəzirəti sıxanəvot həm dınyoədə bıə qırd xristiyanon de İsa Məsihin (s) milodi sorəqardışi və Nuyə Milodi sori bino bey munosibəti təbrik kardəşe.