Ğəribobodi:Nuvə siloh bəhonəy,çe dışmenon ədovət de İroni navşemoni anqıle

İroni Xarici Koon Vəzirəti huğuğ və beynəlxalğə məsələon sahədə muovin Kazım Ğəribobodi votəşe:Nuvə məsələ qıləy bəhonəy,çe dışmeni ədovət çe İslomi nizomi mohiyyət və çe İroni mıstəğiləti və tərəğğiku nəşət seydə.

Bə Pars Tudey məlumoti əsos,İroni Xarici Koon Vəzirəti huğuğ və beynəlxalğə məsələon sahədə muovin Kazım Ğəribobodi cımə şəvi ruji bə İroni ələyh təcavuzkorə canqi nuvə məsələ və mızokirəon miyono har qıləy əloğə rədd kardə holədə votəşe:Dışmenon çandə sorone bo jıqo qıləy hərəkəti hozzı bıən və çe mızokirəon miyono təcavuzi akt və beqınoə insonon,jimoni məntəğəon və bəzi infrastrukturon hədəf qətey çe nuvə məsələ fəğət qıləy bəhonə beyış nışon doe.

Ğəribobodi əlovəş kardə:De AİŞ administrasiya bıə nuyə mızokirəon bə ın kişfəri tam bovə nıkardey və bə har qıləy hərbi hərəkəti ələyh mandero de lozımi hozzıətiyon,mızokirəon zəmonədə sahə və diplomatiya təmomən yande kəno bardə bıə şikilədə bardey be.