İmom Xameneyi:iron dınyoədə sultə nizomi vədə mande navəjəne

İslomiyə inğilobi yolə rəhbəri avrupaədə tələbəon islomiyə təşkiloti itifoği bə sornə iclosiyu qıləy mesajədə dınyo ımrujnə muhimmə ehtiyocış milli iyən islomi beynəlxalğə ədolətinə nizomış zınə.

Bə pars todey xəbəron əsosi islomiyə inğilobi yolə rəhbəri Həzrət Ayətullah Xameneyi  avrupaədə  tələbəon islomiyə təşkilaton itifoği 59 nə iclosi xoto qıləy mesajədə bə Amerkə ərteş iyən məntəğədə bə çəy nənqinə fərzənd(sionist rejimi) qonə hucumon məğlob be işarə kardeədə ki islomiyə ironi cıvonon nıtarsəti və fədakarəti nəticədə bə dast omə , təkidış karde  fəsotinə zuəvoton pərişonəti muhimmə dəlil ne atominə bəhs bəlkə , dınyoədə de noədolətinə nəzm iyən zılminə nizomi  vədə mande iyən islomiyə ironi tərəfo  bə milli iyən islomi beynəlxalğə ədolətinə nizomi tərəf şeye.

Əzinə cıvonon ımsor şımə məmləkət de imon iyən vəhdət və ıştəni bovə karde  nəticədə dınyoədə qıləy tojə etıbor iyən qonətiş bə dast varde.

Amerkə ərteş iyən məntəğədə çəy  nənqinə fərzəndi məntəğədə qonə hucumon islomiyə ironi nıtarsəti iyən fədakarəti tədbiron vədə məğlub be.subut be  ki ironi millət ıştə zuku bəhrə bardeədə imon iyən salehə əməli sayədə  iyən de  zılmin və fəsotinə mıstəkbiron dim bə dim beədə mande bəznen və bə islomiyə erjon dəvəti nakonəsə zumand dınyoədə elon karde.

Alimon iyən qeneralon və əzizə millətiku qıləy cəmi şəhodət karde nıznəşe iyən karde əzın ni ironi fəolə cıvonon  hərəkəti vəy qəte.

Sıxan atomi bəhs iyən jıqo çionku şedə ni ,sıxan de noədolətinə nəzm iyən ısətnə dınyoədə zılmkoə nizomi zumand be vədə mandeye iyən bə milli və islomi beynəlxalğə ədolətinə nizomi səmt şe.

Ime ə yolə hərəkət ki islomiyə iron çəy pərçəmış rost kardə və bə fasidon pərişonəti bois bə.

Şımə tələbəon xususi məmlətiku bə kəno çı vəzifəku

Yolə vəzifən heste.

Dılon bə Xıdo aspardən, ıştə zumandətion pəydo bıkən və təşkilaton bə çəy səmt hərəkət bıdən.