İroni peyki orbital teston de ovandəti dəvom kardedə

İroni bə kosmos vığandə peykion orbital testonku de ovandəti dəvom kardedə

İroni Kosmik Aqentəti elonış kardə ki,"Zəfər 2","Paya" və "Kovsər" peykon bə orbit vığandey bədiqə iminə haftədə orbitədə teston əsosə mərhələon ğənoətbaxşə texniki vəzyətədə dəvardə və çəvon sabit kardey proses bə plani əsos dəvom kardedə.

Bə İroni Kosmik Aqentəti məlumoti əsos,"Zəfər 2", "Paya" və "Kovsər" peykon bə jinəsistemi performansi ğıymət doey mərhələ daxil bıə və çe orbital teston iminə nəticəon ğənoətbaxş bıə.bə"Paya" peyki orbital enjeksiyaədə bıə problemon rəğmən,lozımi islohə tədbiron vində bıə və peyk əsosə testonku de səbarzəti dəvardə.

"Kovsər"-i peyk həm bə statusi nəzorəti əlovə mərhələon daxil bıə və "Zəfər"-i peyk iminə testonku dəvardey bədiqə bo vey mıosirə testonro hozzıye.ım teston nevbəti haftəonədə mərhələynə şikilədə dəvom kardey bəbe.