Tehron: Vaşinqton ixtişonqəronış bə meydon dəvətış karde

İron İslom Respublika,İ bə milləton təşkilatədə səfir və nımayəndəqi muavini votışe: Amerkə devlət ironədə ixtişaş icod kardeyu usyançionış dəvət karde və votışe: Vaşinqtonı tələb İ bə milləton əmniyyət şura iclosi bərpo kardeyu qıləy be həyoə hənək ım cinayətədə sərostə həmkoətion niyon karde xotoye.

Bə pars todey xəbəron əsosiım iclos qıləy holədə de Amerkə tələbi bərpo be ki ım məmləkəti prezdent və rəsmi şəxson dəvardə rujonədə ironi daxili əvəzon vədə qıləy mıdoxilə bıkə siyasətışon hest bı.

Həminə cəhətdə İron İslom Respublika İ bə milləton təşkilatədə bıə səfir  Ğulamrıza Dərzi ım iclosədə təkidış karde dincə etirozon de ixtisodiyə tələbon ironədə bino be əmmo de mıtəşəkkilə silohinə qrupon dasti bə terroristiyə ixtişaşon tərəf ovaşte.