İroni sınniyə alimon:Əmə ıştə fikon ifodə kardeyədə hiç qıləy məhdudiyyətimon ni

İslomi Məzhəbon Nezəti Dınyo Forumi sər katib de i qrup İronıjə sınniyə alimon bə ico de Malayziya Nımoyəndəon Palata sədri dido iyən sehbət kardəşone.

İslomi Məzhəbon Nezəti sahədə Dınyo Forumi sər katib Huccətulislom Şəhriyari i qrup İronıjə sınniyə alimon bə ico de Malayziya Nımoyəndəon Palata sədri Dato Cohəri bin Əbduli vindemon iyən sehbət kardəşone.Malayziya Parlamenti sədri de Huccətulislom Şəhriyari bıə didoədə çe şiyə və sınniyə alimon Malayziyadə mıştərəkə iştiroki vocib hisob kardə holədə votəşe:Im iştirok İron İslom Respublikədə şiyə və sınniyon sulhamiz iyən dincə jimoni ruşinə mənzərə bə Malayziya xalği iyən bə dınyo təğdım kardey bəzıne.

Bə Pars Tudey doə məlumoti əsos,Huccətulislom Vəlmuslim Həmid Şəhriyari həmçinin de İslomi Məzhəbon Nezəti sahədə UmumDınyo Assosasiya təğdım kardə holədə,çəy bə əməl omey torıx və məğsədonış izoh kardə və çe Malayziya onemon və təşkiloton çe İslomi Umməti və Fələstini Vəhdəti Konfransıədə fəolə iştirokış barz qətə.

Həmçinin,i qrup İronıjə sınniyə alimon İron İslomi Respublikədə bə sınniyon bə xoşomıə vəzyəti işorə kardə holədə,İronədə sınniyon təxminən bə 18.000 məçit və 600 dini məktəbi malik beyış elon kardəki,ım həm çe İslomi İnğılobi ğələbə bədiqə çe sınniyon dini fəoliyyəton əhəmiyyətinə dərəcədə vey bey nışon doydə.

Əvon təkidışon kardə:İronədə cımə imomon və sınniyə vayizon ıştə fikon və nəzəon bəyon iyən ifodə kardeyədə tam bə ozodətiyon malikin və çın nəzəku hiç qıləy məhdudiyyət ni.Həmçinin İslomi İnğılobi Rəhbəri İronədə bə  sınniyon koon xususi dığğət nışon doey təkidışon kardə və çı Malayziya rəsmiyon İron İslomi Respublikə dışmenon tərəfiku icod bıə mənfiyə təbliğoti və medya muhiti dığğət nışon nıdoeyış tələb kardə.