Ərağçi dınyodə de cənqəli ğanuni ali bey anqıl xəbərdorəti

De Ali Lideri mudrikə rəhbərəti və hukuməti və cənob Pezişkiyani səyon Xarici Koon Vəzirətiyədə əmə həm ıştə vəzifəon bə vırə bərosnemon.

Cənab Ərağçi çı İslom Respublika Xarici Koon Vəz ixtisosinə didoədə:Əmə qırd huğuğ və beynəlxalğə mınosibəton prinsipon əvəz kardə de qıləy nuyə fenomeni dimbədimimon və ım fenomen AİŞ prezidenti bə hakimiyyət iminə kərə rəseyədə təklif kardə qıləy çiye,ım həm de zu roy bıə sulhe. Həlbəttə ki,AİŞ siyosət həmişə bəştə məğsədon de zu roy rəsey bıə,lakin dəvardə soronədə boçımiro huğuği perostey icod kardeyro səyış kardə,əmmo AİŞ nuyə prezdent qırd ımonış bə kəno noə və votedə ki,əmə zumandimon və bəştə piyə har çi bəpe noyil bıbəmon.Hozıədə çəmə həmməysə dıjdə problem mığoviməte ki,ım həm hərbi və diplomatiya məsuliyyəte.İ qəm şımə bə dumo okıron,çanədə bə nav şey məlum ni.

Həmçinin,çəmə kişfəri xarici koon vəzir:De Amerkə tərəfi mızokirəon fəğət nuvə məsələ anqıle,de ojə çəşon və dəvardə təcrubəon nəzədə qətədə holədə bardey beydə.Sıftənə dido bə əks tərəfi ğıymət doeyro bıə qıləy test be.Əqər nəticəon çın ciddiyəti mevcud bey nışon bıdo,mızokirəon dəvom bəkarde. Həlbəttə ki,hərbi əməliyyon boçəvon ciddiyəti qıləy şubhə icod kardedə,əmə bımon ğıymət doey bədiqə ğəror bədomon.Qəncin kardey məsələ mızokirəonədə ciddiyə məsələonku qıləyniye.Sıfır dərəcədə qəncin kardey çəmə tərəfiku hiç qıləy şikilədə ğəbul bıənin ni,əve həm bəpe bə qəncin kardey dəvom kardey məsələon dığğət bıkəmon.