Ayətullah Məkarem Şirazi:deşmenon tədicən islamiyə ictimaiyyətdə nufuz karde domoədən.

Tehroni cənub Ğom şəhrədə bə əzəmətinə mərcəonku qıleni votışe: deşmen qədə qədə bə islamiyə ictimaiyyət nufuz karde domoədəy və deşmenon fitnəqərə hərəkəton vədə mande zərurətiku işarəş karde.

Bə İRNA xəbon əsosi Ayətullah Nasir Məkarem Şirazi zinə şanqo Ğom şəhri dini elmiyə mərkəzi təfsir ostadon iclosədə votışe: ğərbiyə mustəkbiron həmmişə islamiyə məmləkətonədə islami nomi arəku barde domoədə bən əmmo ironədə ironi islamiyə respublika bino əkə zınəşe deşmenon nufuzi vədə mande.

Ayətullah Məkarem Şirazi votışe: Amerkə bə islamiyə məmləkəton silah həvateəndə pidəşe ım məmləkəton bəştə vabəstə bıkə və əlavəş karde ironi mudafiyə sənaye nışon dodə ki islamiyə respublika bə ğərbiyə məmləkəton vabəstə ni.