İroni Avyasiya ğıvvon fərmondə bə deşmənon xəbə dorətiş do.

İroni hərbi Avyasiya ğıvvon fərmondə votışe: əqə deşmən pidəş bıbu bə İroni əleyh planon və bevəcə hərəkətoni bino bıkə vey saxt, mınosibə cəvob iyən reaksiyaon bəvinde.

Qeneral Mayor Yusef Ğurbani Tehronədə çı Beytul Muğəddəs nomo bıə əməliyati iclosdə votışe: İroni sərhəddonədə əmniyyəti vəziyət çoke-mətlubə və İroni Əsqəron kişvəri sərhəddonku mudafiə kardedən.

İroni Avyasiya hərbiyə ğıvvon fərmondə bə İroni ısətnə vəziyət məntəğədə bənə əmnə cəzirə zıniye işorəş kardə və təsdiğış kardə: İron deştə rəhbər və əsqəron hestımoni bərəkət əmniyyət və stabiləti bəpeə vəziyəti xıvande.

Qeneral Mayor Ğurbani bə Sepah təşkilati tojə rəketiyə hucum işorəş kardə və votışe: de çand qılə rəketi ğande ki fəğət çı İroni hərbiyə ğudrəti qıləy qədə baxş heste deşmən daspoçə bıə.

İroni Avyasiya hərbiyə ğıvvon fərmondə votışe: İroni Avsiya ğıvvon çı Sepah təşkilati peştədəy ijən həmmə hərbiyə ğıvvon yandə kənoədə sərhəddonədə terroriston məhv və nabud karde əməliyatonədə bə İroni əmniyyəti təmin karde məşğulin.