Ğasımi:Amerkə bə Suriyə ehtimal doə hucum məntəğə noəmn bəkay.
İroni xarici koon vəzorətxonə sıxanəvoti votışe:de pesoxtə bə vavunəon Amerkə bə Suriyə mumkin bıə təcaviz ğəyrəz hərcu mərc iyən çimisə ve məntəğə noəmn karde və komək bə terroriston ki məhv be holədə hestin coqlə nəticəş nibəbe.
Bəhram Ğasımi şanbə ruji Amerkə rəsmi şəxson tojə sıxanon vədə ki qoya bə ım fik dəşən Suriyə devləti kimiyaviyə hucumon vəy qəteyu na bə nav bə Suriyə hucum bıkəyu reaksiyaş nışon do və beynəlxalğə ictimaiyyətonku tələbış karde bə ım ihtimaliyə təcavuzi nəticə və əsəron ki bə məntəğə əmniyyəti iyən insoniyə vəziyyəti bevəc be əlavə bəkay diğğət bıdən.
ironi xarici koon vəzorətxonə sıxanəvoti işarəş karde qıləy holədə ki Suriyə devlət 6 sorisə veye ki dıştə həmmə ğıvvə iyən mənbə de terarizm mubarizə barde holədəy jıqo be əsosə iddaon bə arə varde be əsosi və fəğət bə terroristiyə qrupon zumandəti iyən de ım qrupon bə mubarizə nığıl be bois bəbe.
Ğasımi 2017 minnə sori apreli 7-ə Amerkə rəketinə hucumış bə homsı Əlşoeyrat nomo bıə həvoiyə mərkəzi işarəş karde ki ım məmləkəti tərəfiku kimiyaviyə silahon oko doe vavunədə əncum be və əlavəş karde çı təcavuziku bəpeştə İron Rusiyə və Suriyə de rəsmiyyəti tələbışon karde Amerkə tərəfiku bəyon bə idda həxədə təhğiğ kardeyu həğiğəti pəydo kardeyu beynəlxalğə heyət bə arə dəşo əmmo Vaşinqton və çəy şərikon bə Suriyə zid bəyon bə bıhtonon puç be oşko nıbeyu bə ım əməli mane bin.
2017 minnə sori apreli 4 minnə ruji bə Suriyə edlebı Xan Şeyxon məntəğə şək bardə kimiyaviyə hucumi bəpeştə Amerkə apreli 7 nə ruji Suriyə Homs ostanədə bə Əlşoeyrat həvoiyə mərkəz ki məntəğədə de İŞİD və Cebhətul nosrə terroristiyə qrupon mubarizə barde əsosə mərkəz be de 59 qılə kroz rəketi hucumışon karde.
