Laricani bə muhajerəti zid Trampı əmriku tənğidış karde.

İroni islamiyə şura məclisi rəis Amerkə president Donald Trampı bə muhacerəti zid doə əmronku tənğidış karde və votışe:terarizm bəpe ıştə mənbə və mərkəzədə nabod bıbo.

Amerkə aliyə məhkəmə 2 şanbə ruji bə Donald Tramp icazəş do bə mohacerəti zid ıştə əmron qıləy baxşi icra bıkə ki çəy hədəf 6 qılə mıslmonə məmləkət yəni İron Suriyə Yəmən Somali Livan iyən sodanı şəhrvandon səfəri bə Amerkə ərazi ğədəğən kardeye.

Tramp 2017 minnə sori yanvar və martə manqonədə de terarizm mubarizə barde idda bə muhacerəti zid əmronış ım 6 qılə mıslmonə məmləkəton şəhrvandon səfəri bə Amerkə ğədəğən kardeyu bəyonış karde ki ım əmron çimiku bə nav mıxtəlif vilayətonədə  de amerkəvıjə hakimon muxalifət dim bə dim be.

Əli Laricani zinə şanqo de Amerkə CNN kanali məxsusi mısohibə de terarizm mubarizə karde həxədə bə islamiyə respublika təcrubə işarəş karde və votışe:əqər İron bə İrağ koməkış kardə nəbi Bəğdad desbə ısət İŞİD terroristiyə qrupi tərəfiku işğal bəbe.

ironi islamiyə şura məclisi rəisi əlavəş karde ironi bə İrağ və Suriyə koməkon bois be İŞİD ım 2 qılə məmləkətdə ıştə oxonə nəfəson bıkəşo.