İron iraği himoyədorəti koy dəvom doydə.

İrağədə bıə İron İslam Respublika səfir iraği problemon həl kardeyu bəğdadiku tehroni homoyədorəti dəvomiku işarəş karde.

Bə İRNA xəbon əsosi irağədə bıə ironi səfir İrəc Məscedi zinə əsrə vaxti iraği sınniyə yolə şeyx şeyx Muhsen Əcil Əlyavər Əlşemri de şeyx məşayex Şemr məşhur bıə şəxsiyyəti bə rəhmət şe mınosibəti təşkil bə mərasimədə ki Bəğdad şəhrədə bərpo be votışe: İron iraği həmmə şəhrvandonro əmniyyət iyən dəvominə oroməti bərğəror be arızo kardə və ım məmləkəti xərobion ovonə kardeyu həmmə cəhətonədə ıştə tərəfdarətion dəvom bədoy.

Məscedi votışe:İron iraği əmniyyəti iyən ixtisadiyə soxtımoni zumand kardeyu ve ciddiy.

şeyx Muhsen Əcil Əlyavər Əlşemri ki Bəğdad şəhrədə çəyku şeyx Məşayex Əlşemri onvanədə yod bedə iraği yolə toyfanku qıleni şemrion toyfə yole.

Şemr nomo bıə kuç kardə toyfə iraği məmləkəti yolə səthədə hestin və hətta çəvon qıləy baxş hamsuyə məmləkətonədə həm muşahidə bedə.

çı toyfə veyə cəmaət iraği sınnionku hestin və Əlromadi mərkəz Ələnbar və Neynəva mərkəz mosulədə sakin hestin.