İrağçi: Amerkə deşmənçiyə hərəkəton vədə İroni reaksiya vey zumand bəbe.

İroni xarıci vəziri huğuği və beynəl xalğiyə muavin votışe: İroni ijən bə sanksiya dənoey xoto çı Amerkə nımoyəndəon parlamenti tojə hərəkət və təsdiğ bıə loyhə ətomiyə təvafuği ləğv və arşiye mənodəy və yəğin çı İroni zumandə reaksiyaon bois bəbe.

Əbbas İrağçi ımruj votışe: İron yəğin əmələdə və de Amerkə siyasəton vinde bəpeştə zumand çokə reaksiyaon nışo bədoy.

İrağçi təsdiğış kardə: çı Amerkə nımoyəndəon parlamentəti tojə hərəkət ijən bə İroni əleyh tojə təsdiğ bıə sanksiyaon kamilən qıləy deşmənçiyə hərəkət və bə İroni əleyh ruşinə oşkorə siyosəte.

İroni ətomiyə təvafuği maddon çok icra kardero çı İroni kamisiya məsol Amerkə jıqonə siyosətonış vey kanə və tikroriyə siyosət ğeydış kardə ki tojə ni ijən votışe: sanksiyaon kard bəzne bə ətomiyə təvafuği əleyh bıbu və İroni faydonku kam bıkə.

İroni xarıci vəziri huğuği və beynəl xalğiyə muavin təkidış kardə: Amerkə bəbe de ətomiyə təvafuği bərobər həm ıştəniku çokə niyyət nışo bıdə və həm bə təvafuği çok dəvoniye komək bıbu.

Amerkə senat parlamenti bəpeştə Amerkə nımoyəndəon məclis həm zinə şəv ıştə deşmənçiyə siyosəton dəvomədə İroni barədə komilə sanksiyaon plani de əksəriyət və veyə sədo təsdiğış kardə.

Im ğanuni bəbe prezident həm imzo bıko.