Ruhani: iron bə təcrid şe ğəbul nibəkay.

İroni prezident votışe: İron İslam Respublika əqər ğıryəti kəy bəonku kişvəri istiğlali xərcon dodə ijən bədoy, əmmo hiç faxt icozə nibədoy ki deşmənon tərəfiku bə təcrid bışo.

Doktor Həsən Ruhani ımruj ıştə prezidentəti hıkmi təsdiğ bey bəpeştə votışe: İron hiç faxt deşmənon vədə təslim nibəbe ijən dıləş ni dınyo və beynəl xalğiyə mıvzoonku bə kəno bıbu boçi ki İron beynəl xalğ sahədə fəalə iştiroki pidə.

Ruhani ətomiyə təvafuği çı İroni çokə niyyəti əlomət hisobış kardə və əlovəş kardə: İron ısət deştə nəfsi xatircəməti və de milləti zumantəti iyən peştoporəti dəvardə prezidentəti səçıni ğəhrəmanti xəlğış kardə ijən de dınyo təsirinə həmkari və əloğəon de əsosiyə ğanuni bərobər təkid kardedə.

Əv bə İroni nizomədə demokratiya əsl və muhimmə xusosiyət işorəş kardə ijən votışe: milləti huzur bois bıdə ki İroni nizom hiç faxt zəif və məğlub məbu.

İroni Prezident bə ım nuktə təkidış kardə ki İroni 12 minə dıvlət ıştə iğtisodiyə bərnoməonış de mığovimətiyə iğtisod və nizomi koliyə siyasəton həmohənqış kardə təsdiğ kardə ki: İroni dıvlət kişvərədə iğtisodiyə inğilabi pidə və həminə mıvzo de diğğət bə beynəl xalğiyə əloğəon bəbe de milliyə inkişof və de dınyo kişvəron həmkari karde xoto əncom bıbu.

Bə İroni əsosiyə ğanuni 110 minə madə əsosi, milləti intixabon bəpeştə prezidentəti hıkmi imzo karde çı Yolə Rəhbəri vəzifə və ixtiyoronku heste.

Həsən Ruhani ımsornə sori Mayə manqi 19ədə de 23 milyon rəy və sədoon ijən İronədə prezident bəy.