Admiral Səyyari:İron deşmenon hərəkəton diğğət mərkəzdə ğəror dodə.

İron İslam Respublika deyo silahlinə ğıvvon fərmondə votışe:ımruj ironi deyo hərbiyə ğıvvon kamilə holətədə məntəğə control kardən və deşmenon həmmə hərəkəton çı ğıvvə diğğət mərkəzədəy.

Bə İRNA xəbon əsosi admiral Həbibullah Səyyari ımruj çı qrupi 47 nə hərbiyə dastə bə İron oqarde mərasimədə votışe:ironi mesaj bə dustə məmləkəton mıştərəkə faydonku mudafiyə kardey və deşmenon bıznon İron ıştə faydon iyən mənbəonku mudafiyə kardeədə ve ciddi və təhdidonku heç qıləy tarsışon ni.

admiral Səyyari işarəş karde bə 9 sori neze ki ironi deyo silahlinə ğıvvə mutəmadiyə holətədə doəroə ovonədə huzurışon heste və əlavəş karde mutəmadiyə sorətədə deyo ovonədə huzur oşko kardə ki ım ğıvvə sırf qıləy sahiliyə ğıvvə ni və İron qıləy zumandə məmləkəte.