Əqər Amerkə ətomiyə təvafuğiku xaric bıbu, İroni ğərolon məlume.

İroni prezident votışe: bo dıvləton, elitaon iyən dınyo cəmaətonro çı Amerkə omə siyasəton məlum ni və ım mıvzo harçiku vey bə Amerkə milləti zidd bəbe boçi ki stabilə həmkari və rabitəon fəğət bə tale xatircəm mande vəsitə icod bəbe.

İroni prezident Həsən Ruhani de Amerkə NBC kanali mısohibə karde cərəyonədə bə Amerkə prezidenti rəftor iyən bevəcə sıxanon işorəş karde ijən votışe: ətomiyə təvafuğ qıləy beynəl xalğiyə təvafuğe ki bə həmmə kəson aide və əqə Amerkə ım mığovilə icra kardeku xaric bıbu ım yəni co kişvəron bə Amerkə xatircəm mandero ijən həvəsışon ni.

Ruhani bə ətomiyə təvafuği faydon bo dınyo həmmə zumandə kişvəron ijən çandə problemon həl karde işorəş karde ijən votışe: əqə Amerkə ım təvafuğiku xaric bıbu tojə vəziyətədə İroni vədə intexaboni heste ki İron bəştə mənafe diyə karde bəpeştə əvoni intixab bəkay.

Əv məntəğədə İroni çı terrorizm və hərbiyə huccumi jiədə ğıbon bıə kişvər hisobış kardə və votışe: rəkıtiyə fəaliyəton çı İroni mudafiə ğudrəte iyən bə ətomiyə bərnoməon rəbtış ni ki çəy barədə muzakirə bıbu.

İroni prezident təsdiğış kardə: Tehron de ətomiyə bombaon muxalife və har kişvəri ixtiyorədə bıbu farğış ni bəbe məhv bıbu boçi ki ım siloh dınyoədə sulhi bərğəror nibəkay ijən lozime ta həmmə ətomiyə silohon xıvand bıə kişvəron bə NPT mığovilə əlovə bıbun.

Ağaye Ruhani votışe: İron NPT ədə uzve iyən İroni həmmə ətomiyə fəaliyəton, Ətom Enerji Beynəlxalğiyə Təşkilati nəzorəti jiədəy.