Tasuaye Huseyni şəvi əzadariyə mərasim inğilabi yolə rəhbəri məhzərədə bərpo be.

Tasuaye Huseyni(ə) şəvi əzadariyə mərasim islami inğilabi yolə rəhbər məsul şəxson iyən çandə həzo nəfər əhlebeyt(ə) aşığon huzuri mərhum imom Xomeyni huseyniyədə bərpo be.

Im mərasimədə huccətul islam Rəfee islamiyə canqonədə mənəviyə hakemiyyətış çı canqon muhimmə xosiyətonkuş zınə və bə tarixiyə nımonəon işarə kardeədə mincumlə Xıdo rəsul(s) yaron iyən həzrət seyyeduşşuhəda(ə) əshabi cəhd və hərəkət canqonədə dıvo nımoj iyən Xıdo zikri bərpo kardeyu və çəvon nəzərədə dunyəviyə koon vədə cihadı yol zıneku votışe və ıştə sıxanon dəvomədə əlavəş karde Xıdo roədə cihad vəhiştı bəonku qıleniy və mucahidon çı ğalib bıbon və çı məğlub bə kərimə ğıroni hıkmi əsosi ilahi əzəmətinə əcriku bəhrə bəban.