Əli Əskəri:İron botili vədə həxi cəhbə mıdofiyə bəkay.

İron İslam Respublika telerədyo təşkilati rəis zinə de Suriyə 1 minnə vəzir Emad Xəmis təşkil doə vindımonədə işarəş karde ki İron həmmişə bə botili zid həxi cəhbə mıdofiə kardə və ıştə sıxanon dəvomədə elanış karde İron İslam Respublika Suriyə devlət və milləti tərəfdare.

Bə telerədyo aqentəti xəbon əsosi Əbduləli Əli Əskəri votışe:İron İslam Respublika və Suriyə çok və nığılə əlağon de islami inğilabi yolə rəhbəri huşinə tədbiron bois bə ironıjə cıvonon Suriyə milləti tərəfdarəti bıkən və məntəğədə hisobkitibon bə yandı bıjənon.

İron İslam Respublika telerədyo təşkilati rəis suriyədə terroriston məğlub be dəlilış məntəğədə muğavimət cəhbə votımonon inkişafiku iborətış zınə  və votışe: muğavimətı cəhbə həm canqiyə meydon və həm mediyaiyə meydonədə zınəşe terroristonədə mubarizə bardeədə fəal və muvəfəğ əməl karde.

Suriyə 1 minnə vəzir həm ım vindımonədə Suriyə millət və devlətiku həmmə cəhətonədə İron İslam Respublika tərəfdarətionku təşəkkurış karde və votışe: çı məmləkəti millət və silahlinə ğıvvon İron və muğavimət cəhbə tərəfdarətionədə bı nezonədə kamilə sorətədə terroriston məğlub bəkay.