Hərbi Aviyasiya ğudrəti inkişof, çı İroni mudafiə vəzarətxanə vey muhimmə hədəfe.

İroni silohinə ğıvvon mudafiə vəziri canışin çı hərbi Aviyasiya ğudrəti ziyod karde xoto bə İroni mudafiə vəzarətxanə stratejikə vindemon iyən hədəf işorəş kardə.

İroni silohinə ğıvvon mudafiə vəziri caneşin Qeneral Mayor Ğasım Təğizadə çı İroni təyyarə soxte sənaye kəmpaniya tojə rəisi elan karde mərasimədə votışe: tojə zuhur kardə inkişofinə texnikonku istifodə karde, təchizaton əvəz karde iyən bə ko əkəyon tojə texnikon yod doe ım şirkətədə bıə İroni mudafiə vəzarətxanə əsliyə strateqiyaonku iborəte.

Qeneral Mayor Təğizadə bə İroni təyyarə soxtə sənaye şerkət kırt Hesa çokə zərfiyəton işorəş kardə ijən milli sahədə ım şerkəti zərfiyətonku çımiku vey istifodə karde tələbış kardə.

İroni Hesa nomo bıə şerkəti vey muhimmə fəaliyət iyən ğabeliyəton: be səmlotə təyyarəon, hərbiyə təyyarəon iyən vey zumandə rabitə bərğəror əkə mərkəzon soxteye ki hətto bo həvoiyə məhsulon təmir kardero həm vey aliyə tojə imkanaton xıvande.