İroni xarici koon vəzorətxonə sıxanəvoti xəbəriyə iclos.

İroni xarici koon vəzorətxonə sıxanəvot 2 tərəfə məntəğə iyən beynəlxalğə məsəlon barədə muzakirə karde iyən de terarizm mubarizə və 2 tərəfə həmkarətion inkişaf does İron Rusiyə və Azərbaycan Respublika prezidenton 3 tərəfə iclosi əsosə məsəlonış elan karde.

İroni xarici koon vəzorətxonə sıxanəvot zinə daxili və xariciyə jurnaliston xəbəriyə iclosədə 4 şanbə ruji tehronədə İron Rusiyə və Azərbaycan Respublika prezidenton 3 tərəfə iclosi həxədə ironi beynəlxalğə kanali jurnalisti  soali cəvobədə votışe: ım iclos ve  çokə fırsəte ta ali rutbəinə məsul şəxson ə məsəlon barədə ki ha 3 qılə məmləkət iyən məntəğə dəvon dim bə dim hestin  muzakirə və ciddiyə məsləhətonışon bıbo.

Ğasımi Suriyə həxədə Astanə 7 nə iclosi barədə ki zinə Ğazağıstanı paytəxtdə təşkil bə ommidvarətiş karde lozim bə həmkarətion  İron Rusiyə və Turkiyə miyonədə bə dast bo ta bə Suriyə millət komək kardeyu iyən məntəğədə sulh və əmniyyəti təşkil kardeyu mısbətə ğədəmon peqətə bıbon.

ironi xarici koon vəzorətxonə sıxanəvoti əlavəş karde  zəminonku minaon təmiz karde iyən minaon pəydo karde və zindoniyon əvəz karde Astanə 7 nə iclosi 2 qılə əsosə movzoonkuy.

Ğasımi ərəbıstonı xarici koon vəzir Adil Əlcubəyrı sıxanon barədə ki votəşe əqər ironi bə hosion rusniyə koməkon nəbin canq yəmənədə bə oxo rəsə be reaksiyaş nışon do və votışe:ərəbıstonı rəsmi şəxson sıxanon zahirədə adət bə ki əy tərk karde zındə nin və çı məmləkəti məsul şəxson adətışon kardə ki ıştə problemon de pesoxtə bə qəpon və cokəson təğsirkar nışon doeədə bıpoşnon.

ironi xarici koon vəzorətxonə sıxanəvoti votışe:yəmənı movzo ruşine və təcavuzəkə həm məlume oşko heste ki çı kəsi de qonə silahon və ğeyre hərbiyə binaon bombardımon kardeədə bə yəmənı millət hucum bardə.