İroni Yolə Rəhbər: Ərbəyin Huseyni(ə)-i şemon qıləy barzə simvole.

İroni Yolə Rəhbər tojədən ıştə feqhi xaric dərsi kilasədə Ərbəyin Huseyni(ə)-i şemoni barədə votşıone: xoş bə çəvon hol ki ım şemonədə huzurışone və bə ərbəyin mərasim bərəsın iyən həmonə xoşə məzmunə Ərbəyin Huseyni(ə)-i ziyorəti bə ə Həzrəti xitob karde holədə bəhandın.

Həzrət Ayətullah Xəmenei təkidışon kardən: şık bə Xido ki çand milyon çı İron, İrağ iyən co kişvəronku cəmaəton ım roədə hərəkət kardən.

İroni Yolə Rəhbər bə ım nuktə işarəşon kardən ki ım şemon qıləy barzə sımvole ki Xıdovənd çı Əhli-Beyt(ə)-i aşiğon və tabiyon dılədə ğərolış doə ihən votışone: bo ım nemətiro bəbe bə Xıdovənd Xaliği şık kəmon.

İroni Yolə Rəhbər Həzrət Ayətullah Xəmenei əlovəşon kardən: Ərbəyin Huseyni(ə)-i şemoni əzəmətinə hərəkət çı Əhli-Beyt(ə)-i aşiğon tərəfo qıləy ğəşənq iyən hərorətinə simvole.

Bə dəvardə sori statestikaon əsos təğribən 2 milyon İronıjə zair Ərbəyin huseyni(ə) matəmə əyyamədə bə Kərbəlo varid bıə bən ki ımsor jıqo bə nəzər omədə ki ım miğdor bə 3 milyon nəfər bərəse.

Maştə Səfər manqi 20 bərobər de Noyaberi 9 İmom Huseyn(ə) Ərbəyini ruj ğeyd bıə.

Har sor vey zairon həminə əyyomədə bə Kərbəlo varid bedən.