Ruhani:deşmenon məntəğədə tojə fitnəon dumon.

İroni president votışe:deşmenon cur bə curə fitnəqərə hərəkətonədə məğlub be bəpeştə məntəğədə tojə planon iyən fitnəqərə hərəkəton domoədə hestin.

Bə Əlaləm xəbon əsosi ironi president Həsən Ruhani zinə tehronədə de məhkəmə və məclisi rəison təşkil doə iclosi bəpeştə jurnaliston cəmədə  terroriston canqədə bə məntəğə milləti yolə muvəfəğiyyəton işarəş karde və votışe:ımruj İrağ Suriyə və livani millət dıştə silahlinə ğıvvon peştpurəti iyən dustə məmləkəton məxsusən İron İslam Respublika koməkəti zınəşone təğribən çı  problemonku bırəxon və terarizmı məsələ həm bə oxo rəse holədəy.

president Ruhani əlavəş karde deşmeni plan məmləkəton qədə iyən zəif karde və məntəğə cuğrafiyaiyə sərhəddon bə yandı jeyu həm məğlub bəy boçimi xoto ımruj ım  muvəfəğiyyəton qorə oşkoye ki Amerkə və sionist rejim və bəvon vabəstə bəkəson norohət və xışmqin bıbon.

president Ruhani əlavəş karde yəmənı məsələdə çandə sore ki çı məmləkəti fəğırə milləti bombardımon kardən və vəba noxəşəti həm ve bə və cəmaət ğəhti və vəşiyanətiədən iyən deyo və həvoiyə roonışon həm bə ım məmləkəti cəmaət komək rosneyu bastəşone və ım tov vardənin ni.

milli əmniyyəti aliyə şura rəis əlavəş karde məntəğə ımrujnə  şərayet nışon dodə ki deşmenon məntəğədə coqlə plan iyən fitnəqərə hərəkəton domoədə hestin və lozime ki cəmaət ım movzo vədə hoşon bıbon və məsul şəxson həm lozim bə bərnamon nəzədə bıqəton.

president Ruhani eyne holədə votışe: həmmə mediyaon sosyal şəbəkəon qordıniyəkəson və mıxtəlif baxşonədə xəbon pevılokardəkəson bəpe muğət bıbon ki deşmeni ım tələdə qiriftar nıbon.

president Ruhani ıştə qəpon oxoyədə Ərbəine Huseyni(ə)  əzəmətin və beynəlxalğə şemonədə ironi milləti huzuriku iyən iraği millət və devlətiku bə Əba Əbdellah Huseyn(ə) zairon və beşeyu təşəkkurış karde.