İroni daxıliyə koonədə mıdoxilə karde bə Fransə dəxlış ni.

İroni Yolə Rəhbəri məsləhətçi Əli Əkbər Vilayəti, İroni rəkıtiyə bərnoməonədə Fransə prezidenti mıdoxiləonış bə Parisi nəf və xeyr zınəş nıbe.

Vilayəti ımruj bə jurnaliston mısohibə doe cərəyonədə çı Fransə prezidentəti tojə vindemon və sıxənonku tənğidış kardə ijən votışe: çı İroni rəkıti və stratejikə mıvzoonədə Parisi mıdoxiləon fəğət İroni vindemonədə Parisi be itibor iyən be Abru-həyo bəkay.

Beynəl xalğ sahədə İroni Yolə Rəhbəri məxsusə məslehətçi işorəş kardə ki İron ıştə mudafiə hərbiyə bərnoməonədə bə hiç kəsi icozəon ehtiyocış ni təsdiğış kardə: əqə Fransə de İron bə inkişofi tərəf hərəkət əkə rabitəonış pidə bəbe İroni daxıliyə koonədə mıdoxiləş məbu boçi ki ımcurnə mıdoxilə çı Fransə milli mənafe və xeyri təmin nibəkay.

Əv təkidış kardə: İroni rəkıtiyə bərnoməon barədə İron yəğin çı Fransə dıvləti tələbon rəd bəkay boçi ki i faiz həm İron bə Fransə dıvlət icozə nibədoy çı İroni daxıliyə koonədə mıdoxiləş bıbu.

İroni Yolə Rəhbər məsləhətçi votışe: İron ıştə istiğlol və ozodəti hifz kardero de har kişvər ki milli mənafe təmin bıko həmkari və əloğəon inkişof dodə və dınyo fəğət Avropavıjə kişvəron tərkibədə xulasə nibəbe.

Fransə prezident Emanoel Məkron zinə qıləy xəbəiyə iclosədə İroni bə məntəğədə təcavoz əkə siyasəton dəvoniyə mıttəhəm kardə və pidəş be balıstik rəkıtiyə bərnoməonədə İroni strateqiyaon şəfaf bıbu.