Ruhani:Ərəbıston israil rejimi vədə ruku kardeku dast bıkəşo.

İron İslam Respublika prezidenti votışe: əqər Səudiyyə Ərəbıston yəmənı bombardımon karde ğət bıkə və israil rejimi vədə ruku kardeku dast bıkəşo və de ım rejim əlağə bərğəror kardeyu lovə karde ğət bıkə İron həni de Ərəbıston heç qılə problemış ni.

Prezident Həsən Ruhani ımruj hicri şəmsi 1397-ə soriyu ironi budcə  layihə bə islamiyə şura məclis təğdim kardeədə əlavəş karde Ərəbıston de sionist rejim ıştə səhvə dustiyəti ğət kardeədə iyən ğeyre  insoniyə holətədə yəmənı milləti  bombardımoni vəy qəteədə bəzne de İron ıştə əlağon icod  karde.

İron İslam Respublika president işarəş karde İron zınəşe oroməti bə məntəğə oqırdıne və ıştə sıxanon dəvomədə əlavəş karde muğavimətı rəzməndon beynəlxalğə istikbar və sionizmış məıyus və Suriyə İrağ və livanış əmn karde və inşalla bı nezonədə həm Yəmən əmn bəbe.

president Ruhani eyne holədə işarəş karde ironi əlağon dınyoədə bə çəy doə bə vədəon əsosiy və bənə Amerkə əhd-peymoni bə lınqi ji nodə ni və əlavəş karde İron Atom məsələ həl kardeyu təşkil bə təvafuği ləğv əkə nibəbe əmmo əqər navədə bıə tərəfon ıştə əhd-peymoni bə lınqi ji bınən İron heç qıləy niqəranətiş nibəbe.

İron İslam Respublika ironi həmmə fəaliyyəton məntəğə əmniyyəti  bərğəror karde bə və əmniyyətiyə problemon həl kardeədə məntəğədə terarizmi əsosə binovrə rıjiyə.