Əl-Husi: viloyəti prinsip dışmenon vədə islami ummətiku himoyədorəti kardeydə.
Bə Ğədir Xumi yolə idi xoto Yəməni Ənsarullah rəis votışe: viloyəti prinsip dışmenon xəbisə planon vədə islami ummətiku himoyədorəti kardeydə.
Bə Əlməsirə kanali raporti əsos, zinə iyən Snaaədə bıə Ğədir Xumi yolə idi xoto Yəməni Ənsarullah rəis Seyd Əbdulməlek Əl-Husi votışe: viloyəti id xıdo dərqahədə şık karde ide, boçi ki din iyən nemət həminə idədə komil bıə.
Əv viloyəti prinsipış islami ummətədə ıdşmenon nıfuzi vəy qəte bois zınəş be və votışe: mınofiğon pidəşone de pesoxtə bıə muğaviləoni bənə Abraham sazışi islami ummət və sioniston miyono əloğəon normal kon və hminə xəbisə plani bə vırə rosniyeyro təkfiri cərəyanonku həm bənə əbzor istifodə bıdə.
Yəməni Ənsarullah rəis bə mınofiğon tərəfo cəhdon çı islami ummətədə nıfuz peydo kardey işorəş karde işorə iyən əlovəş do: dışmıno hədəf ıme ki məsələon bəştə mənafe aid bə oxo bırosnon.
Seyd Əbdulməlek Əl-Husi ıştə sıhbəton dəvomədə bə məntəğə Co Baydeni səfər işorəş karde iyən təkidış be: de Bayden jəğo rəftor be ki quya əv çı dınyo rəhbəre! və hol ım ki əv əmələn bə sioniston vabəstə mandeyku ıştəni be abruış karde.
