Bəhreyni səçınədə milləti minimal iştirok
Bəhreyni Əlvıfağ partiya, ım kişvəri parlament səçınədə milləti minimali iştirokiku xəbəş do.
Zinə, Miladi 2022 minnə sori Noyabrə manqi 12 minnə rujədə, Bəhreyni parlamenti səçın bərpo bıə və çand manqi bənaviku, Bəhreyni inğilabion ım səçıni bə sanksiya dənoeyku qəp jedə bin, boçiki ım səçıni ozod iyən bə Bəhreyni milləti mənafe cəhət zineyd nin.
Bə zinə ruji Əlməsirə televeziya kanali raporti əsos, Bəhreyni Əlvıfağ partiya qıləy bəyoniyə ğolibədə elanış kardə: Ale-Xəlifə rejimi parlament səçınədə iştiroki mığdor vey zəif be.
Im bəyoniyədə Bəhreyni Əlvıfaği partiya ijən əlovəş kardə: Ale-Xəlifə səmtiku ım səçınədə iştirokiro, bə hərbiçion və Bəhreyni təbeiyət doə şahrvandon oşko surəti votə bəy ki intixobotədə iştirok bıkon.
Bəhreyni Əlvıfaği partiya bəyoniyədə ğeyd be: ım səçınədə ictimai qrupon iştirokiku xəbə ni.
Bəhreyni Əlvıfaği partiya ıştə bəyoniyə dəvomədə əlovəş karde: Manama rəsmi şəxson niqəron bıən və sədo qırdə kardə mərkəzonədə əmniyyəti hərbiçion vardəşone və mediyaonku komək tələb kardən ta ım səçınədə iştiroki hərorətin nışo bıdən.
Im bəyoniyədə omə: de ım vucud ki ım səçınədə, bə muxalifon vabəstə bıə nomzədon iştirokışon ni, əmmo Ale Xəlifə rejim bəzi məxsusə nomzədon dumoədəy və çəvonku himoyə kardey cəhəto, hərbiçioni vığandəşe.
Bəhreyni Əlvıfağ partiya ıştə bəyoniyədə vardəşe: Ale Xəlifə rejim bə veyə şəxson Bəhreyni təbəə bey doəşe ta ım səçınədə iştirok kon və siyasi səçın və meydoni əvəz bıkon.
Miladi 2011 minnə sori Fevralə manqi 14 minnə rujiku Bəhreyn, bə Ale Xəlifə zid milləti ğiyomi şoyd be. Bəhreyni millət ıştə kişvərədə, ozodi , ədoləti bərğəror kardey və beədoləti məhv kardey iyən bə milləti əsos və vijniyə bıə sistemi hakim bey tələbışone.
