Bəhreynədə seonist rejimi səfərotxonə oj bıey çe İroni reaksiyə.
İroni Xarici Koon Vəzərotxonə sıxanəvoti votəşe:Bəzi islomi hukuməton de seonistə cinoyətkoron daston qətey hərəkəti çın dəlarzə rejimi inkor nıbə suğuti təhlukəku xilos nibəkarde.
İroni Xarici Koon Vəzərotxonə sıxanəvot “Nasir Kənani Çafi” çe israil rejimi xarici koon vəziri bə Bəhreyni səfə və çın rejimi Manamada nuyə səfirəti oj kardey əloğədor əlovəş kardə:seonist rejimi nığıl və dıjd bıə daxili behron və beynəlxalğə dayirəon və çe məclison mıxolifət və tənğıdon pevolo bıey səbəbiku və insonə həxon çın rejimi bə Fələstinıjon ələyh harujnə cinoyəton,har qıləy kompromisə hərəkəti səbəbiku zəyifəti,degenerasiya və suğuti vəzyətədəy.
Ğudsi işğaləkə rejimi de İslom məmləkəton miyono tərəfiku siyosi hikmətiku bə diyəro və insoni,mənəvi və beynəlxalğə ehdəmonon zidd bıə kişfəri dastək nıdoey çe Fələstini xalği co nıbə huğuğonkuye.İroni Xarici Koon Vəzərotxonə sıxanəvoti votəşe:İslomə məmələkəton hukuməton de Ğudsi işğal kardə rejimi saziş iyən kompromis hərəkəton deçəvon xalğoın tələbon hiç qıləy əloğəş ni və Liviyə yolə milləti bın nezono bə Liviyə hukuməti qıləy rəsmi ələyh bıə etırozı,çe regioni milləti bə ğəsbkorə seonistə rejimi ələyh bıə nifrəti nığıləti təzahure.
İroni diplomatik sistemi sıxanəvoti təkidış kardə: çe regioni kali kişfəron de seonistə rejimi aşti kardey və ıştə rabitəon normal kardero ziyodə mığdorədə bıə planon beovandə tale,bo cokəson dərs bıey bəzıne.
Seonist rejimi Bəhreyndə bıə səfərotxonə işambə ruji de çın rejimi xarici konr vəzir Eli Koen və de Bəhreyni xarici koon vəzir Əbdul Lətif əz-Ziyani iştirokı oj bıə.
