İordan ru Baxtəri tanqədə, Fələstinıjə cıvoni şəhodət
Səma aqentiyəti xədəş bo ki Urdaniya ru Baxtəri tanqədə Ğəlğiliye şəhri şərğədə, qıləy Fələstinıjə cıvon şəhid bıə.
Bə Fələstini Səma aqentiyəti raporti əsos, "Kodomim" qədə şəhri daxılədə, ım Fələstinıjə cıvon şəhid bıə.
Sionisti mediyaon iddio kardən ki əv ti ğandeyro vey cəhdış kardə ki sionist rejimi hərbiçion bəy qullə ğandışone.
Sionisti mənbəon həmçınin raportış do ki ım məntəğədə təğib kardey əməliyot həmçınon dəvomış heste ki co qılə ti ğandey amilon həm peydo kon.
Şənbə şəvədə həm sionist rejimi ərtış Baxtəri tanqə Ələğvar məntəğədə resturani nezədə ti ğandeyku xəbəş do.
sionisti rejimi ərtış ijən iddioş kardə ki ım həmləon və qullə ğandəonku hiç kəs zəxmn və kıştə bıə nin.
Benyamin Netanyahu ifrotiyə dıvlət iyən çəy vəziron bənə ım rejimi daxıli əmniyyəti vəzir, İtmar İbne Qoviri bə ko omey zəmoniku, İşğol bıə sərzəminon vey şiddətin bıhronin bıə.
Qıləy holədə ki Pencşəmbə rujədə, sionist rejimi ərtış bə cənin şəhr qıləy tojə cinoyət əncomış doə be, və çəy cərəyonədə 11 nəfər Fələstinıjə şahrvand şəhid və 20 nəfər həm zəxmin bıən, 2 ruj ım hodisə bəpeşt, və çəy cəvobədə, Fələstinıjon qıləy şəhodət tələbonə hərəkəton əncom dodən.