İslomədə ğanuni mıdofiyə
İslomədə ğanuni mıdofiyə
İslomədə ğanuni mıdofiyə
İmom Əli(ə) qıləy kəlomədə bə təcavuzkori tənbe kardey məsələ dığğətış kardə və hamyedə:”Yəvmul-məzlum.... məzlumi zolımiku sıə intiğomi ruj çe zolımi bə məzlumi kardə sıtəmi rujiku vey şiddətine”.
Əmirəl-Muminin Həzrət Əli(ə) bın erjinə kəlomədə “intiğomi” kəlmə zikr bıə iyən hətto əvış bəsə zolımi zılmisə həm vey şiddətinış bəyon kardə.ın sıxan nışon doydə ki,məzlumon bəpe çe zılmi vədə tam nıjənon iyən hətto de ğətiyyəti və de vey zumandə şikili bə zolımi təcavuzi qıləy cəvob bıdon.ın həmonə bo təcavuzkori dəf kardey iyən çəy təcavyzi vəy qəteyro bıə ğanuni mıdofiyəy ki,təcavzukor bəçəy coni,zəmini,namusi,mol iyən ozodəti daxil kardedə.ın çı zumandəti iyən mıdofiyə rəftori nımoyişe ki,çe təcavuzkori peşonə xətər iyən təhlukəon vəy qəteydə.
Xıdo-Rəsuli(s) de reçinəti,əxloğ iyən ibrətamizə ləzon pur bə jimonədə çə həzrəti de təcavzukoron bə mısılmınon hərim iyən marzon bıə təcavuzi nisbətədə bıə rəftor vey fik-fam kardənine.torıxədə omə ki,Həzrəte Muhəmməd(s) de dışmenon isrori bino bıə canqon bənav hətto sıftədə çe ləşkəri mığobilədə mandedəbe iyən əvoni nəsyət kardedəbe və deştə nuroniyə sıxanon bo kofiron hidoyətiro əvoni moyizə kardedəbe.əmmo çe bıtpərəston kur-kuronə təəssıb iyən çəvon ziyodə həddədə bıə cəholət əvoni bə de Xıdo-Rəsuli(s) iyən de mısılmınon canqi səhnə səmt şıkırneydəbe,bardedəbe.Xıdo-Rəsul(s) həm qıləy zəmon ki,vindeşe kuffor bə mısılmınon ələyh canqışon bino kardə,bəştə əshobi icozə doydəbin ki,İslomə dini mıdofiyəkon.
Odəmi dığğəti cəlbəkə çi ıme ki,de Xıdo-Rəsuli(s) ğəddorə dışmenəti kardə kəsonsə əlovə,bəzi yəhudiyon həm ki,qıləy sehyonistə əxloğışon hestebe,bə Həzrəte Muhəmmədi(s) ziyodə əziyyət kardedəbin.əvon ki,çe Hicozi həmmə mərdumisə vey zumand və de canqi məsələon çok-çoki oşno bin və vey ğoymə ğalə iyən sənqəron çəvon ixtiyorədə be,həmçinin çəvon zioyodə moli ğudrətışon hestebe,bo Həzrəte Muhəmməd(s) iyən mısılmınon əziyyət kardero çəvon ixtiyorədə bıə çe har qıləy mevcud bıə imkonatonku oko doydəbin.şəytoni əshob jıqo bə nodonəti ğərğ bıəbin ki,hətto ıştəni bəsə Xıdovəndisə həm vey zumand hisob kardedəbin və votedəbin:”çe Xıdovəndi daston bastə bıən”.yəni Əv,bə Xıdo-Rəsuli(s) iyən mısılmınon koməq kardey nibəzıne.ın daston Mayidə mıborəkə surədə zikr bıə iyən çe Xıdovəndi bəçəvon puçə sıxanon doə cəvob jıqo omə:
“Və yəhudiyon voteşone:Xıdovəndi daston(de zinciri)bastə bıən”.çəvon daston bastə bıbu və bə ın sıxani xoto (İlahi)rəhmətiku bə diyəro bıbon!.bəlkəm çəy(ğudrəti)har dıqlə daston oje.çoko piyeşe bəbaxşe.əmmo ın ayəon ıştı pərvərdıqori tərəfiku bətı nozil bıə,çəvon veyni tuğyon iyən kufri ziyod bəkarde.və əmə çəvon miyono de tobə ğıyoməti ruji ədovət iyən dışmenəti eğandemone.har qıləy zəmon çe canqi otəşışon rost karde,Xıdovənd əy hamuş bəkarde və bo zəmini dimisə fəsodiro səy bəkardeyn və Xıdovənd fəsodəkəyonış piyedəni”...(64-ə şərifə ayə)....
