Bə Yəməni muhasirə komək kardə kəson bəpe ıştə koon məsuliyəti ğəbul bıkon
İroni xarıci vəzorətxonə sıxanəvot votışe: əvoni ki bə Yəməni milləti muhasirə dəomi xoto bə təcavuzkaron silah dodən bə co kəson ittihom jəe vırədə nin.
Bə İrna raporti əsos, Nasir kənani Fransə mediaonədə bə İroni zidd muntəşir bıə xəbon təkzibış karde və votışe: jığonə sıxənon de siyasi hədəfi fəğət umum iştimaiyətiu fikon mınhərif karde cəhətədə bəyon bıdə, bomi ki əvoni ki bə Yəməni milləti muhasirə dəomi xoto bə təcavuzkaron silah dodən bə co kəson ittihom jəe vırədə nin.
Əv təkidış karde: Ğərbi kişvəron ki oşko surəti de siloh və hərbi təchizaton həvote bə Yəməni milləti ğətliam və muhasirə dəvomi komək kardedən vey çok bəbe bə dınyo ğələtə adresi doey əvəzi həminə nohəxə canqədə bəştə mənfət tələbanə iyən fırsət tələbə vindemoni orəx bıdən.
Tojədən çı Avropə bəzi mediaon iddio kardeşone ki İroni tərəfo bə Yəmən sadir bıə siloh və hərbi təchizaton musadirə bıə.
