Bəhadori Cəhromi: məntəğə və reqional məsələon hələkərooyon, ğərbiku dəvarded ni
İroni dıvləti sıxənəvot votışe: məntəğə və reqional məsələon hələkərooyon, ğərbiku dəvarded ni.
Bə İrna raporti əsos, zinə rujədə və Şəmsi 1401 minnə sori oxonə xəbəiyə iclosədə İroni dıvləti sıxənəvot, Əli Bəhadori Cəhromi diplomatiya rabitəon tojədən bino kardeyro bə İron və Ərəbistoni mığuviləon işorə və əlovəş karde: ım hodisə iyən 2 qılə kişvəri rabitəon bəji kardey nışoş do ki məntəğə və reqional məsələon hələkərooyon, fəğət ğərbi royku dəvarded ni.
Bəhadori Cəhromi ijən təsdiğış karde: İroni 13minnə dıvləti xarıci siyasət, əvəliku hamsuyəti rabitəon hevujəti və hansuyə və məntəğə diplomatiya siyasəti vey əhəmiyyət doey be və oxonə hodisə həm həminə cəhətədə be və məntəğə kişvəron həm İron və Ərəbistoni rabitəon bəji kardeyku himoyə kardışone.
İroni dıvləti sıxənəvot həmçınin əlovəş karde: bə hamsuyə diplomatiya məxsusə diğğəton beşək de məntəğə kişvəron rabitəon və həmohənqion əncom bəbe və dəvardəku vey Asiyavıjon Asiya koon mudiriyət kardey bə dast bəqəton.
Martə manqi 11 minnə rujədə, Piken şəhrədə İron və Ərəbistoni muzakirəon cərəyonədə, 2 qılə kişvəron təvafuğışon kardə ki 7 sor çımiku bəpeşt, ıştə diplomatiya rabitəon tojədən bino kənən.
Bə 2 qılə kişvəri təvafuği əsos, İron və Səudiyə Ərəbistoni xarıci vəziron de yande vindemoni kənoədə makzimum tosə 2 manq, səfiron mıbodilə kardey koon və səforətxonəon oj kardey həmçınin rabitəon tojədən bino kardeyro, co koon əncom bədon.
