Ğətər və Şri-Lanka xarici koon vəziron de İroni xarici koon vəziri miyono telefonə votemon
İron iyən Ğətəri xarici koon vəziron çe İsrail rejimin hərbi əməliyyoton mənfiyə təsiron,işğal bıə əraziyonədə oxonə hodisəon,Bab əl-Məndəb və Sıə dıyo və bəzi regional məsələon ətrofədə fiki mıbodilə bardəşone.
Xarici Koon Vəzərotxonə İnformasiyə və Sıxanəvoti İdorə məlumoti əsos İron İslom Respublikə xarici koon vəzir Huseyn Əmir Əbdullahiyan cımə ruji çı Ğətəri sərvəzir və xarici koon vəzir Şeyx Məhəmməd Bin Əbdulrəhman Əl Saniku Ğəzzə tanqədə Fələstınıjon rə qıləy zəmonədə ğətli-ami oqəteyış vanq jıə.
Əmir Əbdullahiyan bə seonist rejim Fələstınıjon məcburi kuçkardey vəy qətey,blokadə peqətey və humanitarə koməq,dəmon və ərzağ vığandey təkidış karde.İron və Ğətəri xarici koon vəziron çe İsrayili rejimi Beyrutədə hərbi əməliyyot və “Saleh əl-Aruri”i kıştey çe Ğəzzə mıhoribədə otəşvəsi diyaloqon prosesi mənfiyə təsiron barədə fiki mıbodilə bardəşone.
Ğətəri sər vəzir və xarici koon vəzir həm çe Kermani Şəhidon vılzorədə çandə da nəfər İron vətəndoon şəhid bıey səbəb bıə oxonə terrorə aktış məhkum karde və bə İroni hukumət iyən xalği təsliyyətış doe.
Digər xəbə ıme ki,İroni diplomatik xıdməti rəhbər Huseyn Əmir Əbdullahiyan de Şri-Lankə xarici koon vəzir bıə Əli Səbri çe İroni cənubədə Kermonədə bıə terrorə cinoyəti əloğədor telefonə qəp jemonədə votəşe:İroni əmniyyət ğıvvon təfərruaton təhğığ kardey beydə və demi əloğədor məlumoton təmom kardey beydə.
