De İmom Əliyy-Ənnəği(ə) mevludi mınosibəti
De İmom Əliyy-Ənnəği(ə) mevludi mınosibəti
De İmom Əliyy-Ənnəği(ə) mevludi mınosibəti təbrikə mesaj
Imruj Hicri-Ğəməri 1445-ə sori Zilhiccə manqi 15-ə,de 22 iyun 2024-ə sori torixi bərobər,çe şiəyon daminə İmom iyən İslomi qiromiyə pəyğombəri(s) nəsliku bıə İmom Əliyy-Ənnəği(ə) mıborəkə mevludi ruje.Həzrət İmom Əliyy-Ənnəği(ə) Hicri-Ğəməri 212-ə sori Mədinə şəhri nezi bə dınyo çəşış oj kardə və çəy mehtərəmə dədə İmom Cəvadi(ə) himoyə jiyədə perəse və ıştə azizə pı şəhodəti bəpeştə,çe İslomi camiyə imomət iyən rəhbərəti vəzifəş bəştə ehdəş peqəte.
İmom Əliyy-Ənnəği(ə) məşhurə ləğəbiku qıləyni “Hadi” yəni hidoyətəkə mənoədəy.İmom Əliyy-Ənnəği(ə) həğiği İslomi təğdım kardero veyə səyonış nışon doe,mıxtəlifə ideoloji,ağli iyən iştimoyi mevzuonədə ziyodə vindemonon dəvordınə holədə bə əməl omə sual və şubhəon cəvobış doe.veyə mığdorədə dıjdə elm və ədəbiyyoti əhl bə İmom Əliyy-Ənnəği(ə) huzuri cəm bıə holədə çə həzrəti oxoş nıbə elmi dıyoku bəhrə bardedəbin.İron İslom Respublikə Tele-Rədyo Təşkilot Həzrət İmom Əliyy-Ənnəği(ə) mevludə rujə omey mınosibəti məsum və pokə Əhli-Beyti(ə) qırd aşığon təbrik kardedə.
