Pars Today

Dəvardə rujonədə İroni əhlı-sınnəti alimonku de qıləy bəyoniyyə sadir kardey iyən mediyaonədə co-co mesajon vığandey,həmmə kəsonışon bo maşkinə səçınədə iştirokiro dəvətışon kardə.

Bə İroni Tolışi Rədio raporti əsos, İroni əhlı-sınnəti alimon çordəminə prezdenti səçınışon bənə İroni torıxi sayir vıjınon qıləy dini iyən milli vəzifə hisob kardəşone ki,beynəlxalğə təsiron kəno,inev bə İslomi Respublikə ray doey və çe İroni əmniyyət iyən zumandəti təzmin kardeyışon hisob kardə.

İroni əhlı-sınnəti alimon təkidışon kardə:maşinə Tir manqi 8-ə ruj de İroni co milləton bə ico bo prezdenti səçın kardero vıjıni məntəğonədə iştirok bəkardeyn.

Qilonədə həm əhlı-sınnəti barzə alimi voteşe:çe mərdumi aqahonə iştirok çe məkrinə planon vəy bəqəte.huccətul-islom İzzətşeyxi bəyonış karde ki,vıjnemonədə iştirok İslomi Respublikə nizomi təyid və təsdığ kardey və bə milli mənafey nəf və xəyriye.əy əlovəş karde:omə vıjınədə çe milləti aqahonə iştirok,çe dışmenon məkrinə planon iyən notəmizə fikon vəy bəqəte.

İzzətşeyxi bəyonış karde ki,səçın qıləy milliyə koye və izhorışon karde:prezdent kişfəri dıminə şəxse və icroiyyə ğıvvəy və bo ın məğamiro qıləy mınosibə şəxsi vıjniye,ziyodə əhəmiyyət kəsb kardedə.

Əhlı-sınnəti ın alimi təkidış karde ki,bo şəhid Rəyisi əvəzi qıləy mınosibə şəxsi bəpe vıjniyə bıbu və bəyonış karde:prezdent bəpe çe millətiku bıbu iyən bə kişfəri daxili iyən xarici muşkiloton aqah bıə qıləy fərd bıbu və dırstəkoəti ıştə koon sərlovhə ğərol bıdo.

Huccətul-İslom İzzətşeyxi şəhid Rəyisış çe millətiku bıə qıləy şəxsış zıne ki,hiç qıləy təm-təroğinə holət nıbə holədə çe mərdumi miyono iştirokış hestebe.Əy,elonış karde:bə rəhbərəti tevsiyə iyən nəsyəton əməl kardey iyən torıxədə nıbə holədə çe mərdumi miyono iştirok,çe şəhid Rəyisi xıslətonku be ki,millət deştə vıjıni əy,bə peşonə omə devləti həm mıntəğil bəkardeyn, obəvoştınen.