ironi 14 minnə devləti rəisi təin karde bə vıjnımoni 2 nə mərhələ mande
İroni 14 minnə devləti rəyisi təyin karde bə vıjnımoni 2-nə mərhələ mande
İroni prezidenti vıjnımoni 14 minnə devrə, 9 nə prezidenti təin kardeyu zinə cumə iyoni 28 nə ruji məmləkəti daxilədə 59 həzo qılə mərkəzədə və dınyo 95 qılə məmləkətədə bərpo be.
İroni prezidenti vıjnımoni 14 minnə devrə, 9 nə prezidenti təin kardeyu zinə cumə iyoni 28 nə ruji məmləkəti daxilədə 59 həzo qılə mərkəzədə və dınyo 95 qılə məmləkətədə bərpo be.
Həminə cəhətədə bə telerədyo aqentəti xəbon əsosi ironi məmləkəti daxili koon vəzorətxonədə vıjnımoni ğərorqo İron islom respublika prezidenti vıjnımoni 14 minnə devrə ğətiyə nəticə elon kardeədə Məsud Pezeşkiyan və Səid Cəlili bə vıjnımoni 2 minnə mərhələ ovaşteku xəbəş doə.
Bə İroni məmləkəti daxili koon vəzorətxonə , vıjnımoni ğərorqo eloni əsosi 58 həzo 640 qılə rəy mərkəzi sədoon aşmarde bəpeştə, 24 milyono 535 həzo 185 qılə doə bıə sədoonku Məsud Pezeşkiyan de 10 milyono 415 həzo 191 sədo və Səid Cəlili de 9 milyono 473 həzo həzo 298 qılə sədo bənə 1 və 2 minnə nəfəron bə İron islom respublika prezidenti vıjnımoni 14 minnə mərhələ 2 nə devrə roşon pəydo karde.
