İroni xarici koon vəziri vəzifə icroəkə:Kimyəvi silohiku istifodəəkəyon zidd məhkəmə iddiyon bə zəmoni tabe nibəbe
İroni xarici koon vəziri vəzifə icroəkə:Kimyəvi silohiku istifodəəkəyon zidd məhkəmə iddiyon bə zəmoni tabe nibəbe
İroni xarici koon vəziri vəzifə icroəkə:Kimyəvi silohiku istifodəəkəyon zidd məhkəmə iddiyon bə zəmoni tabe nibəbe
İroni xarici koon vəziri vəzifə icroəkə şəxsi votəşe ki,bə İroni ələyh kimyəvi silohiku istifodə səbəbkoron,çəvon mıovinon və bəçəvon məmuron zidd məhkəmə keşməkeşon bə zəmoni tabe nibəbe.1987-ə sori iyuni 28-ədə İraği BƏƏS-i rejim çe İroni şimol-ğərbədə vağe bıə Ğərbi Azərboyconi əyoləti Sərdəşt şəhrədə veyə insonon cəm bıə 4 qılə noxtə de kimyəvi bombəonku oko doey bombardımon kardey,həmonə mulki şəxsonku 119 nəfər şəhid iyən həşt həzo nəfərisə ziyodə sakinon bə zəhrinə ğazon mə`ruz mandə iyən kimyəvi xəsorətınışon sıə.
Sərhədədə bıə Sərdəşt şəhri kimyəvi bombardman kardey,bə veyə mənfi təsiron iyən bə veyə problemon səbəb bıə həmməysə fociyəvi kimyəvi hucum bıə iyən ın şəhr Xirosima de atomi bombardımon kardey bədiqə,dnyoədə iminə kimyəvi silohi ğıboni nom boştə peqətəşe.bə İRNA xəbə aqentəti doə məlumoti əsos,İroni xarici koon vəziri vəzifə icroəkə Əli Bağıri Kəni şanbə ruji de Sərdəşt şəhri kimyəvi bombardman kardey sorəqrdışi mınosibəti ıştə mırociyətədə əlovəş kardə ki,milli və beynəlxalğə məhkəməon cinoyətkoron bə məsuliyyəti cəlb kardey iyən çı kimyəvi ğıboniyon mənəvi və maddi həxon bə vırə rosneyədə bıə bəştə məsuliyyəton bəpe əməlkon.
Bağıri Kəni bəyonış kardə ki,Sərdəşti kimyəvi bombardman kardey sorəqrdışi de kimyəvi və mikrobə silohon bənə milli mıborizə ruji vıjniyeku məğsəd,İron İslom Respublikə həm mıosirə torixədə çe kimyəvi silohiku hevujə istifodə həmməysə dıjdə ğıboni bıey izoh kardey və bə ın silohon ələyh bə qıləy ciddiyə irodə malik bıeye.
İroni xarici koon vəziri vəzifə icroəkə əlovəş kardə:Ğərbi kali devləton dastəqi və beynəlxalğə təşkiloton mardə vardə tam jıey sayədə bə əməl omə canqi zəmonədə çe Səddami rejimi kimyəvi hucumon miğyos anədə veye ki,mıosirə torıxədə bənə bımi bıə qıləy misol pəydo kardey mumkin ni.Bağıri Kəni bəyonış kardə ki,Səddam rejimi həşt sornə mığəddəsə mıdofiyə devronədə kimyəvi silohiku hevujə surətədə istifodə kardey çe Avropə bəzi hukumət iyən şirkəton,xususən həm Almaniyə,Hollandiyə və İnqilistoni səmərəninə maddi,elmi və texniki dastəq və çe AİŞ iyən İnqilistoni siyosi,hərbi və diplomatikə himoyə çe Səddami rejimi canqi maşini sayədə mumkin be.
İroni xarici koon vəziri vəzifə icroəkə ın cur tədbiron çe ğərbi kali hukuməton təbiyətiku co nıbə qıləy hissəş zıne və çe seonist hırdənəkıştə rejimi Ğəzzə tanqədə oxonə 9 manqi dəvom pəydo kardə ğətlı-amış iyən kutləvi tuməbırış çımi oşkoə nımunəş hisob karde.
