sehyonist rejimi təhdidon bədiqə Ğəzzədə Xan Yunus noxəşxonə təy kardey.
Ğəzzə tanqə cənubədə vağe bıə Xan Yunus Avropə Noxəşxonə seonist rejimi hucumi təhlukə bədiqə təy kardey bıə.
Bə “Əl-Cəzirə” telekanali məlumoti əsos,sehyonist rejimi ləşkər bə Xan Yunisi həmlə təhlukə bədiqə fələstınıjon çın noxəşxonə təchizoton və noxəşon,zəxmiyon və dəvitəyon bə Nasir noxəşxonə ovoıştıney məcbur bıən.sehyonist rejimi işğalçiyə ləşkər bə Xan Yunus Avropə Noxəşxonə dəçıkə əraziyon hucum kardey niyyətədə bıeyış bəyon kardə. Eyni zəmonədə,sehyonist rejimi rədyo və televiziyə dışambə ruji elon kardəşe ki, sehyonist rejimi işğalçiyə ləşkər dəvardə milodi sori oktyabri 7-ədə bə Ğəzzə tanqə hucumi bədiqə 3000 fələstınıjışon həbs kardə.Holı-hozıədə seonist rejimi həbsxonəonədə bə 10 həzo nezi fələstınıj yavə şərayitədə məhbusin.Fələstini Səhiyyə Vəzirəti çe seonist rejimi Ğəzzə tanqə bə əməl vardə cinoyəton nəticədə şəhid və zəxmin bıə kəson oxonə statistik məlumotonış jıqo bəyonış kardə:dəvardə milodi sori oktyabri 7-ku tobə ısət 37 həzo 900 nəfər şəhid bıə,87 həzo 600 nəfər həm zədəjə bıən.co qılə xəbə ıme ki,Livani Hizbullah dışambə ruji şəvi zəmonədə işğal bıə Fələstini şimolədə sionist rejimi hərbi cəm bıə mərkəz,min cumlə “Qranut” ğəsəbəşon bə hədəf sıə.Livani Hizbullah bəyonotış doə ki,ın hucumi de bə Ğəzzə tanqə mətonətinə Fələstini milləti və bə cəsur iyən şərəfinə Fələstini mığoviməti dastək bıey məğsədi bə həyota dəvordıneydə.