İroni Xarici Koon Vəzirəti xaricədə bə ironıjə əvıjnon ələyh yavə rəftori reaksiya
İroni Xarici Koon Vəzirəti xaricədə bə ironıjə əvıjnon ələyh yavə rəftori reaksiya
İroni Xarici Koon Vəzirəti xaricədə bə ironıjə əvıjnon ələyh yavə rəftori reaksiya
İron İslom Respublikə Xaric Koon Vəzirəti sıxanəvoti votəşe:Xaricədə bə ironıjə əvıjnon ələyh vey yavə hərəkət iyən vey çirkinə sıxanon,səçınəkəyon təhdid iyən təhğır kardey nəticə,bədbəxtəti və çəvon fəlokəti nığıləti iyən beədəbəti nığıləti qlobalə nımoyişiku co çi ni.Əksinğılobçiyon 1403-ə sori prezdenti səçınədə bə İroni co kişfəronədə bıə səfirəti iyən konsulətiyon şıə ironıjə əvıjnon çandə dəfə təğib kardə iyən bəvon hucum kardə holədə bə ın prosesi mane bıeyşon piyə.çın hucumonku dərc bıə çandə qıləy vidyon nışon doydə ki,xaricədə bə ironıjə əvıjnon ələyh beədəbəti iyən hoziyəti intensivəti rəğmən,ımi bəçəvon irodə hiç qıləy təsirış kardəni və əvon ıştə dini iyən ğanuni ğarzonışon bə vırə rosnə.
Bə İRNA doə məlumoti əsos;İroni Xarici Koon Vəzirəti sıxanəvot Nasir Kənani zinə dışambə ruji ıştə sosyal şəbəkədə bıə səyfədə nıvıştəşe:Bə kali saxtiyon rəğmən,xaricədə çəmə azizə ironıjə əvıjnon səçıni ğotiyədə bıey,çe İronıjə xalği kişfəri daxil iyın xaricədə bıə milli həmrayəti ğəşənqə təzahuronku qıləyni be.Kənani əlovəş kardə:Norməon darıştə və ıştəni bənə İron İslom Respublikə əleyhdori nışon doə bəzi şəxson çe səçınəkəyon təhdid iyən təhğır kardey nəticə,bədbəxtəti və çəvon fəlokəti nığıləti iyən qlobalə nımoyişiku co çi ni.İronıjon de ın cur vəhşi,bemədəniyyət və ğeyri-ğanuni rəftoron anqıl məsul təşkilotonku qıləy izohot iyən cəvob çəş kardedən.
