Əbədiyə ətr
Əbədiyə ətr
İslomi Respublikə Həvo Ğıvvə iyən İslomi Respublikə ləşkərədə vey loyığ iyən ğabiliyyətinə unsuron heste.kali cıvononku vindeme ki,dıjdə koonışon kardə və əlhəmdulillah əvon de zu,ğudrət iyən istedodi pur bıə qıləy zərfiyyətışon heste.çəvon çın ğudrətiku inşaallah maksimum dərəcədə istifodəkənən iyən rujbəruj vey zumand bıbənən.bandə həm boşmə dıvo bəkardem ki, Xıdovənd şımə ovandətiyon rujbəruj ziyodko iyən bızınən ki,çe İroni milləti dışmen bə məğlubiyyəti məhkume.çəy dəlil ıme ki,İroni milləti dışmenon botılə royədə hərəkət kardedən.ehyanə amerkə dəvardə rəyison jinton-jinton koon kardedəbin,ısət həni əvon əyoni surətədə iyən nıpuşniyə holədə ıştə fəsodon,ıştə inhirofon,ıştə canq tələbətiyon,ıştə fıtnə icod kardeyon,ıştə bə cokəson sərvəton iyən bıey-nıbey bıə taməhkorətiyon nışon doydən.ın ro,qıləy botılə roye.şəytoni roye və ın şəytoniyə ro həmonə roye ki,Xıdovənde-Mutəol hamyedə: ”Ulayikəl-ləzinə…. Ikəs ki,Xıdovənd bəy lənət kardedə iyən ıştə dərqoyku bə diyəro kardedə, qıləy koməq pəydo nibəkarde.qıləy koməqəkə həm pəydo nibəkarde.məsələ həyğət çımiku iborəte.əmmo bəşmə qıləy koməqəkə heste və həmonə koməqəkə Əziz iyən Həkimə Xıdoye iyən inşaallah bəşımə koməq bəkarde iyən şıməni bəşmə məğsədi bərosne……
İminə dərs ki,çoke əmə bəy dığğətkəmon,ıme ki,tağutə rejim çə vırəku zərbə seydə ki,çəy intizorış nıbe.çoko ki,Xıdovənde-Mutəol Kərimə-Ğıronədə bə Bəni-Nəziri ğəbiləku bıə yəhudiyon ayid hamyedə ki,”fəatahumullah min həysu ləm yəhtəsibu”-qıləy vırəku Xıdovənde-Mutəoli bəçəvon səmt hucumış varde ki,əvon əy çəş kardedə nıbin.Həvo Ğıvvon deştə cokəsonku bə şıkrə bıə komandanon,de qıləy vijə və xususi şərayit ki,ın ğıvvə hejo həmonə devrədə bıə.yəni de amerkəvıjon iyən de amerkəvıjə mudiron və de amerkəvıjə və bənə ımi bıə vıron-ğəflətən vey həssosə zəmonədə bə İnğılobi nəf iyən xəyri bə məydon daxil beydə ki,çəy sıftə bəhmənə manqi nonzəminə ruj be ki,omin de İmomi(r) dido və beyət kardeşone.peşo həm çe ləşkəri coqlə baxşi mığobilədə mandey be ki,bəvon həmləşon kardəbe iyən həmonə rujonədə bıə əcibə ğəziyyə və məsələon ki,zıneydənim əslən çın məsələ cuziyyot iyən detalon qıləy vırədə bo ğıvvon ıştəni ğeyd bıə ya ne,bəpe(ğeyd) bıbu ki,çe Tehroni hərbi bazədə çiç bə əməl ome iyən qıləy hucum ki,(bımon be)və qıləy mıdofiyə ki,milləti çəvonku kardeşe,ım qıləy məsələye ki, Xıdovənde-Mutəol qıləy vırəku bə dışmeni zərbə daxil kardedə ki,əvon əy çəş kardedə nıbin. ım, çe ğəziyyə i tərəfe. ……
Coqlə vəzifə ki,mı iyo yoddoştom karde ki,həmişə bəpe bəy nəzəkom,məxsusən ımruj,de dışmeni cəbhə səhih iyən oşkoə şikilədə bıə demarkasiya iyən marzi co kardey vəzifəy. demarkasiya.şərifə ayə hamyedə:”ğad kanət…..Ğıron fəğət torıxış votəni,de oşkoə formə elon kardedə ki,ın boşmə qıləy həsənə iyən çokə usvə və ulquye və -ğad kanət….fi İbrahimə-yəni bəpe ın curnə bıbon.bəpe ıştə marzi co bıkon.marzi co kardey bın mənoədə ni ki,əmə ıştə rabitəon bıbırnəmon.dığğətkənən və fik məkənən ki,şımə votedon əmə de həmmə dınyo dışmenimon.ne,demarkasiya iyən marzi cokənən,marzon omujən nıbu.bənə coğrafi marzon.ıştə kişfəri iyən de ətrof kişfəron miyono coğrafi marzədə,qıləy sərhəd mıəyyənkənən.çın marzi məno ım ni ki,şımə bə tərəf şeydəniyon,əvon həm iyo omeydənin.çın marzi məno ıme ki,har qıləy şıey-omey bə nəzmi əsos bıbu.məlum bıbu keynə şeydəmon,kom kəs şeydə,çokonə şeydə. kom kəs omeydə,çokonə omeydə və boçi omeydə.coğrafi marzonədə demarkasiya ın curəy.həmonə şərifə ayədə,Xıdovənde-Mutəol ın həsənə usvə iyən çe İbreymi(ə) əməli bəyon kardey bədiqə,hamyedə:”İlla ğəvlə İbrahimə…(10)yəni ım marzi co kardey bımi mane ni ki, İbreym(ə) bəştə pı bıvoto ki,az bətı rəhm bəkardem,botı dıvo bəkardem,ımon həmmə hestin.
Binobərin çe demarkasiya iyən marzi co kardey məno ıme ki,mıəyyən bıbu əmə kimon və şımə kiyon.mı qımon kardedəm “Ğul ya əyyuhəl kafirun” şərifə surə həmonə sərhədon co kardey bəyon kardedə:”La ə`budu ….:(11)yəni marz mıəyyən bıbu,marz bəyənde nıqıno…..
